Maièna (departament)

Maièna (departament)

Nom oficial	Mayenne (fr)
Entitat	departament francés
Eponim	Mayenne
Administracion
Estat	França
Division territoriala francesa	França metropolitana
Region francesa	Païses de Léger
Capitala	Laval
Politica
• President	Jean Arthuis
Organ legislatiu	Consell Departamental del Mayenne (ca)
Geografia
Coordenadas	48° 10′ 00″ N, 0° 40′ 00″ O
Superfícia	5 175 km²
Limitròf amb	Orne Sarthe Maine e Léger Ille et Vilaine Marga
Punt culminant	mont des Avaloirs (fr) (416 m)
Demografia
• Totala	305 933 ab. (1 de genièr de 2021 )
• Densitat	59,12 ab./km²
Autras informacions
ISO 3166-2	FR-53
Sit web	mayenne.pref.gouv.fr

Maièna (Maièno en nòrma mistralenca e dins una ancian document en gascon pirenenc; Mayenne en francés) (53) es un departament de França, dins la region administrativa dels País de Léger.

Lo capluòc n'es Laval. Lo departament foguèt constituït pel decret de l'Assemblada nacionala del 15 de genièr de 1790. Coma una seisentena de departaments en França, s'identifica al nom d'una aiga, aici Mayenne. Correspond mai que mai al Bas-Maine, que formava la mitat occidentala de la província de Maine. Lo terç meridional del departament faisiá pr'aquò partit d'Anjau, e es d'alhors dit « Mayenne angevina ». Anjau se trapa tanben dins la region naturala de la Val de Léger.

L'istòria del departament foguèt marcada pel periòde galloroman, amb la ciutat de Noviodunum, pels conflictes entre França e Anglatèrra a l'Edat Mejana, puèi per la Choanariá. La canalizacion de Mayenne pendent la Renaissença permet un cert vam economic e fins al sègle XIXen, la cultura e lo teissatge de lin e la metallurgia son las principalas activitats departamentalas. Al sègle XXen, après un exòde rural marcat, Mayenne reorientèt son economia cap a la produccion laitièra e l'agroalimentari.

Le departament comptava 242 comunas e 307 445 abitants en 2017. Malgrat una creissença demografica moderada, la Mayenne demòra lo departament mens poblat dels Païses de Léger. Ten pas que tres vilas de mai de 10 000 abitants : lo capluòc, Laval, e las doas sosprefecturas, Château-Gontier e Maièna.