Magahi
मगही  | |
| Locutors | 20 700 000 |
|---|---|
| Classificacion lingüistica | Magahi |
| Còdis lingüistics | |
| ISO 639-2 | mag |
| ISO 639-3 | mag |
| Ethnologue | mag |
| Glottolog | maga1260 |
| IETF | mag |
Lo magahi (o magadhi) es una lenga indoariana parlada en Índia.
Localisacion[modificar | Modificar lo còdi]
La lenga es parlada dins l'ancian país de Magadh, que correspond als districtes de Patna, Gaya, Nalanda e Nawada de l'estat de Bihar. Lo magahi s'espandit dins las regions pròchas, dins de parts dels districtes de Munger e de Bhagalpur, e en Jharkhand, dins l'èst del districte de Palamu e dins aquestes de Singhbhum e de Dhanbad. Defòra de Bihar e de Jharkhand, la lenga se tròba dins lo districte de Purulia en Bengala Occidental, e dins aquels de Mayurbhanj e Bamra en Odisha. De locutors del dialècte sonat magahi de l'èst vivon dins los districtes de Hazaribagh, Ranchi e Kharsawan, dins l'estat de Jharkhand[1].
Classificacion dialèctes[modificar | Modificar lo còdi]
Lo magahi fa partida de las lengas bihari, una branca de las lengas indoarianas, que fan partida de la familha indoeuropèa. Los dialèctes de l'èst an de noms divèrses, kurmali (kuṛmālī), kurmali thar (kuṛmālī ṭhār), khotta (khoṭṭā) o khontai (konṭhai)[2][3].
Referéncias[modificar | Modificar lo còdi]
- ↑ Verma 2007, p. 547-548.
- ↑ Verma 2007, p. 548.
- ↑ La basa de donadas Ethnologue de la SIL, qu'es responsibla per los còdis de lengas ISO 639-3, atribuís un còdi al kurmali o kudmali, [kyw], e al panchpargania, [tdb].
Fonts[modificar | Modificar lo còdi]
- (en) Sheela Verma, 2007, Magahi, dins The Indo-Aryan Languages, George Cardona, Danesh Jain (eds.) p. 547-565, Routledge language family series, Londres, Taylor & Francis.
