Lo bèl Danubi blau

Un article de Wikipèdia, l'enciclopèdia liura.
Capa de la portada

Fichièr àudio
De dificultats per utilizar aqueles mèdias ?
De dificultats per utilizar aqueles mèdias ?
De dificultats per utilizar aqueles mèdias ?

Lo Bèl Danubi blau (en Alemand An der schönen blauen Donau), op. 314, es un celèbre ensems de valsas vienesas de Johann Strauss II, compausat en 1866.

Istòria[modificar | Modificar lo còdi]

Un escac[modificar | Modificar lo còdi]

L'òbra foguèt compausada en comanda de Johann Herbeck, director de l'Associacion corala vienesa.

La primièra representacion publica, lo 13 de febrièr de 1867, faguèt un fracàs. Doas rasons o explica. La primièra, lo compositor mancava d'experiéncia, perque èra la primièra òbra amb cant de Johann Strauss. La segonda ven del quita tèxte, escrich per un foncionari de polícia que s'èra ispirat dels nòus esclairatges de gas installats per las carrièras de Viena: la corala refusèt d'en primièr de cantar, trobant las paraulas ridiculas.

Las primièras mesuras del Bèl Danubi blau, amb la signatura del compositor.

Un succès mondial[modificar | Modificar lo còdi]

Per l'Exposicion universala de 1867, Johann Strauss viatjèt París. Li foguèt demandat d'apondre una valsa al programa del seu primièr concert en public. Se remenbrant del Bèl Danubi bleu, Johann Strauss faguèt venir la particion de Viena. L'accuelh de l'òbra sens la partida cantada es trionfal e Johann Strauss deunla jogar vint còps a la fila. A Viena, lo succès es tal que los estampaires penan a provesir la demanda de particions.

Lo Bèl Danubi blau es programat lo meteis an dins de concerts a Londres, en preséncia de la reina Victòria.

Lo Bèl Danubi blau demora la mai celèbra de totas las valsas escrichas per Johann Strauss II.

Orquestracion[modificar | Modificar lo còdi]

Instrumentacion del bèl Danubi blau
Còrdas
primièrs violons, segonds violons, altos,

violoncèls, contrabassas, 1 arpa

Vents de fusta
2 flaütas traversèras (la segonda joga tanben de la flaüta piccolo), 2 clarins,

2 clarinetas d'ut, 2 bassons

Vents de metal
4 còrns de fa, 2 trompetas de fa

1 trombon bas, 1 Tubà

Percussions
2 Timbalas, 1 caisse claire, 1 caissa, 1 triangle