Llívia

Un article de Wikipèdia, l'enciclopèdia liura.
Escut
Val de Cerdanha e Llívia
Llívia, plaça Major

Llívia es una comuna d'Auta Cerdanha. Administrativament es un municipi catalan de la comarca de Cerdanha e aperten a la província de Girona. Ten la particularitat d'èsser completament enrodat per l'actual territòri francés (Catalonha Nòrd), formant una enclava.

Llívia es una enclava d'Espanha en França. Se tracta d'un municipi situat a 153 km al nòrd de la capitala de sa província, Girona, enrodat en totalitat per de territòri francés coma resultat del Tractat dels Pirenèus de 1659: pr'amor d'aqueste, Espanha donèt a França los trenta tres vilatges de las comarcas de Valespir, Capcir, Conflent, Rosselhon e la Nauta Cerdanha que uèi forman, ensems amb Fenolheda, lo departament francés dels Pirenèus Orientals. Llívia restèt fòra d'aqueste tractat per son estatut de vila, privilègi concedit per l'emperador Carles V, e continuèt jol domeni del rei d'Espanha. L'11 de febrièr de 1939, quand s'acabèt la Guèrra Civila Espanhòla, las autoritats del band nacional demandèron a las autoritats francesas l'autorizacion d'ocupar Llívia.

LLívia, paneus catalan - carrer FontCitrana

Sa populacion en 2005 èra de 1252 abitants, amassats dins un territòri de 12,84 km². Llívia aperten a la jurisdiccion de Puigcerdà. Las lengas parladas dins la localitat son lo catalan, lo castelhan e lo francés.