Linfocit T

Un article de Wikipèdia, l'enciclopèdia liura.

Lei linfocits T ò cellulas T son un ensems de cellulas blancas que fan partida dau sistèma immunitari especific cellular. Son caracterizats pel marcaire cellular CD3. Divèrsei tipes diferents de linfocits T cargats de prètzfachs diferents existisson.

Après activacion, lei linfocits T ninòis se diferéncian entre unei tipes diferents que son lei linfocits T citoxics (ò T tuaires), T auxiliars, T regulators e NKT. Lei doas premierei classas forman la màger part dei linfocits T. Lei linfocits citoxics son caracterizats per un marcaire CD4 e son cargats de l'eliminacion dirècta dei cellulas infectadas ò tumoralas gràcias a de secrecions de moleculas que pòdon passar la membrana cellulara per entraïnar l'apoptòsi ò la necròsi. Lei linfocits auxiliars son caracterizats per un marcaire CD8 e permeton la secrecion de substàncias permetent d'entraïnar lo mecanisme d'inflamacion e l'activacion dei linfocits B. Lei linfocits T regulators son rars e permeton de limitar l'expansion deis autrei tipes de linfocits T. Enfin, lei linfocits NKT son un tipe fòrça rar qu'es encara mau conegut que tèn de marcaires de linfocits T e NK.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]