Jaguar europèu

Un article de Wikipèdia, l'enciclopèdia liura.
Eth jaguar euroèu ei ua espècia escantida de felid que siguec probablaments er ancessor deth leon actual e demorèc en Euròpa enquia hè 1,5 milions d'annades.

Eth Jaguar europèu (Panthera gambazoegensis) ère un felid que demorèc entre eth pliocèn superior e eth pleistocèn inferior (hè 1,5 milions d'annades) en Euròpa.

Classament

Es prumères réstes fossils d'aguest animal sigueren trapades en Olivola, Itàlia. Se n'an trapat d'autes en Anglatèrra, Alemanha, Occitània, Espanha e eth País Bas. D'autes réstes semblantes an sigut trapades en Africa de l'Èst e poirien éster tanben apartenhents a aguesta espècia. Eth jaguar europèu avie carcateristiques comunes damb eth tigre e eth leon e dilhèu ère dera madeisha familha.

En Occitània es fossils an sigut trapadi en baumes coma era Bauma d'Artenac (Lemosin) e Vallonet, prèp de Ròcabruna Caup Martin, en es (Aups Maritims).

Descripcion

Eth jaguar europèu ère mès gran qu'eth jaguar actual american. Açò suggereish que podie caçar predes mès granes qu'es predes deth jaguar american. Probablaments demorave solet coma era pantera o eth jaguar actual. Se crè que demorave en bòsqui coma eth jaguar actual mès es darrèrs estudis hèn pensar que dilhèu non i demorave pas. De segur qu'avie ua pèth coma era dera pantera actual. Açò l'ajudave a non pas éster vist pes sues predes.

Familha

Era espècia Panthera gombaszoegensis ère dera familha des leons (Panthera leo). dilhèu ère son ancessor. Mès non se sap pas s'ère tanben dera madeisha familha qu'eth jaguar (Panthera onca), eth leopard (panthera pardus) o eth tigre (Panthera tigris).

Environament

Er environament on demorave eth jaguar europèu non ère pas eth dera Euròpa d'aué: semblave mès coma eth des savanes africanes; açò vò díder planes amb èrba e quauqu'ns arbes e pro. Era epòca ena qual demorèc ei aperada Plio-pleistocèn e a coma caracteristiques un climat e ua fauna unencs damb Rinocèros, proboscidis, bueus, shivaus, cèrvis, pòrc-singlars, felids, canids e dilhèu primats (macacos e Homo erectus/Homo antecessor).

Tà veir tanben

· Panthera leo

· Panthera onca

· Felidae

· Leon de Beringia