Edmundo Rivero

Un article de Wikipèdia, l'enciclopèdia liura.

Edmundo Rivero (Avellaneda, Província de Buenos Aires, lo 8 de junh de 1911 - Buenos Aires, lo 18 de gener de 1986) que ho un cantaire argentin de tango deus màgers.

Hilh d'un cap d'estacion ferroviària, que pravè dens los quartièrs portènhes de Saavedra e Belgrano. Encoratjat per un onco son qui èra musician que comencè per percórrer las tavèrnas dab la soa guitarra e per acompanhar filmes muets dens un cinema (emlec que perdore per cantar enlòc de contentà's as sonque de jogar la guitarra). Que formè un doa dab la soa sòr Eva e ambz que trabalhoren a la ràdio com acompanhators e, a còps, com interpretes.

Mes la consecracion que viengó quan e ho emplegat peu director d'orquèstra Julio de Caro qui hore seguit per Horacio Salgán e Aníbal Troilo qui tanben e recrutèn la soa votz de bariton.

Que participè a la creacion de dus filmes El cielo en las manos (1949) e Al compás de tu mentira (1951). En 1969 qu' inaugurè El Viejo Almacén un deus emponts màgers de tango situat dens los vièlh quartièr portènhes de San Telmo.

Qu'escrivó ua autobiografia titolada Una luz de almacén ("ua luz de botiga" en referéncia au nom de "El Viejo Almacén") e que ho membre de l'Acadèmia deu Lunfardo.