Diodòr de Sicília

Diodore de Sicile Diodoros Sikeliotès
imatge:Diodoro siculo - storico di Agira.jpg Representacion de Diodòr de Sicília sus una frèsca del sègle XIX
Naissença	sègle 1 AbC, Agyrion (Sicile)
Occupacion	Istorian, cronicaire
Genre	Istòria

Diodòr de Sicília (en grèc Διόδωρος Σικελιώτης; en latin Diodorus Siculus) es un istorian e cronicaire grèc del sègle I AbC, contemporanèu de Juli Cesar e d'August, autor de la Bibliotèca istorica.

Biografia

Nascut vèrs 90 AbC, Diodòr es originari d’Agira, pichona ciutat situada de l'èst de Sicília. Recep un ensenhament retoric de qualitat, signa qu'es benlèu eissit d'une familha aisida. Auriá visitata las contradas d'Euròpa e d'Asia e tanben l'Egipte entre 60 e 59 AbC: abant de s'establir a Roma ont publica son unic obratge en 30 AbC.

Òbra

Bibliotheca historica, 1746

D'entre las òbras dels istorians antics de Sicília coma Timèu de Tauromenion o Antiocos de Siracusa, sols Aqueles de Diodòr demorèt. Daissa una òbra considerabla, redigida en grèc ancian, una de las fonts mai ricas d'informations sus l'Egipte antica e la Grècia antica mas tanben sus la Roma antica e lo mond antic occidental, subjècte pauc tractat pels sieus contemporanèus de Grècia orientala. Trabalha pendent trente ans a la constitucion d'aquela istòria universala titulada la Bibliotèca istorica. Cobrís un periòde mai de mila ans, des temps mitologics fins a Juli Cesar e la batalha de Farsalia.

La Bibliotèca istorica compren quaranta libres qu'un vintenat demoran: lo primièr libre fins al cinquèn puèi l'onzen libre fins al vint e segond son conservat dins lor integralitat alara que los autres son coneguts pas que per de fragments. Diodòr i presenta d'eveniments dins un òrdre cronologic en tres temps per cada periòde: d'en primièr los eveniments contan la Grècia e l'Asia menora, enseguida la Sicília, e fin finala Roma. Diodòr mòstra atal l'importança que dona a sa patria que presenta al meteis nivèl que las poténcias grègas e romana.

Donat que Diodòr i amassa totes los eveniments datables s'apiejant sus fòrça fonts mai ancianas, son trabalh foguèt longtemps reduch a aquel d'un compilator. Per l'istòria siciliana, auriá subretot utilizat las òbras de Timèu de Tauromenion, de Filistos de Siracusa, d'Efòr de Cumes e de Silenos de Cale-Acte. Pasmens, sembla que Diodòr passa aquel ròtle de simple compilator fasent una toca personala mejans per exemple de sas prefàcias ont tracta de questions moralas, didacticas e istoriograficas, plaçant los eveniments contats en perspectiva amb las problematicas de son epòca e produsent atal un trabalh original.

S'atribuís a vegada a Diodòr de Sicília la lista de las Sèt Meravilhas deu Mond, al vejaire de sa descripcion detalhada dels jardins penjats de Babilònia dins lo segon libre de la Bibliotèca istorica.

Bibliografia

•  {{{títol}}}. 
• {{{2}}},
• {{{2}}},
• {{{2}}},
•  {{{títol}}}. 
• {{{2}}},