Dieudonné

Un article de Wikipèdia, l'enciclopèdia liura.
Dieudonné en 2009.

Dieudonné, nom de scena de Dieudonné M'Bala M'Bala, es un umorista, actor e militant politic francés que naissèt l'11 de febrier de 1966 a Fontenay-aux-Roses (Auts de Sèina).

Dieudonné si faguèt conéisser coma umorista dins leis ans 1990. Dins la segonda mitat d'aqueu decenni, s'engatgèt totjorn mai en politica en participant especialament a mai d'un escrutinh electorau.

Particularament controversiat en rason de mai d'una de sei presas de posicion, Dieudonné veguèt son imatge public si modificar progressivament au cors deis ans 2000 : au moment que lo classavan a senèstra dins leis ans 1990, desenant d'associacions antiracistas nombrosas lo condamnan e de formacions e movements politics nombrós lo considèran coma una personalitat d'extrèma drecha, ensin qu'una gròssa part de la pressa nacionala que l'acusan especialament d'antisemitisme. Eu contèsta aqueleis acusacions e si presenta coma un republican antisionista anticomunautarista e afièrma que representa la "senèstra veritabla".