Marcèu Rufo

Marcèu Rufo a l'escasença d'una conferéncia dins la granda libariá tolonenca Charlemagne, fevrier de 2011.

Marcèu Rufo (en francés Marcel Rufo, Tolon, lo 31 de decembre de 1944) es un pedopsiquiatre provençau professor a Marselha e autor de mantun obratge (entre lei quaus Oedipe toi-même - "Edipe siás tu" -, que mençona coma son libre favorit). Participèt tanben a un grand nombre d'emissions de television coma l'emission cotidiana Allo Rufo au cors dei qualei conselha dei parents subre l'educacion de sei enfants.

Vida

Per son paire Miquèu, es d'origina italiana dei Abruç. Es a Tolon (entre lei numerò 49 e 53 dau famós Cors Lafaieta) que creissèt, fieu unic ambé sei gents mercadiers, mai pasmens entornejat de fraires d'amistat (dins Fraires e sòrres, una malautiá d'amor que ditz "siáu un enfant unic ambé sèt fraires e sòrres").

Coma fòrça tolonencs, es un afogat de rugbi e dau RCT ; aima tanben lei viatges en Mediterrenèa en batèus.

Òbra e engatjaments

Dins sei libres cerca a divulgar la psicanalisa, e per que totei poscon comprendre emplega d'istòrias ambé lei qualei chascun se pòt identificar. Per eu, es coma explicar d'unei teorias de Melanie Klein mai d'un biais tolonenc.

Es mai que mai implicat dins la lucha contra l'anorexia e cerca dei financiaments per crear d'estructuras ambé la tòca d'ajudar lei joves malauts en inclusent dei tractaments de dimensions culturalas (per soenhar per la cultura mai qu'ambé de potingas).

Bibliografia selectiva

• Frères et Soeurs, une maladie d'amour.
• Oedipe toi-même.
• Détache-moi ! Se séparer pour grandir.
• Tout ce que vous ne devriez jamais savoir sur la sexualité de vos enfants.
• Elever un enfant.
• Regards croisés sur l'adolescence.