Canejan (Val d'Aran)

Canejan Municipi Aranés
Situacion en Aran	Escut de Canejan
Situacion	Val d'Aran, Catalonha, Espanha
Terçon	Quate Lòcs
Longitud	0° 44′ 22″ E
Latitud	42° 50′ 25″ N
Altitud	906 m
Superfícia	28,17 km²
Poblacion	110 ab. (2008)
Densitat	2,28 ab./km²
Còde oficiau estatistic	2506370005
Còde postau	25548
Alcalde	Joan Carles Lastera i Alcalde (UA)

Canejan ei un municipi dera Val d'Aran, en eth terçon de Quate Lòcs.

Geografia

Municipi dera Val d'Aran, plaçat ena val de Toran, dempús der arribatge dreit dera Garona enquias nautors der estanh e des rasi de Liat.

Era part septentrionau deth tèrme, damb es elevacions des tucs de se Pans, d'era Pica e de Crabera, ei termierèra damb Comenge. Es terrens non conreats son aucupadi per prats e bòsqui. Ath delà des prats, que i son preponderants, òm i cotiva forment, segal, uerdi, milhòc, truhes, legums e bèri arbes fruters. Era ramaderia n'ei era principau hònt de riquesa (bestial bovin).

I a jadiments de blenda e de zinc, e tanben de hèr e plomb, coma era Harga de Güerri. I a dues centraus electriques. Era de Pònt deth Rei profite es aigües der arriu de Toran e dera Garona ath limit damb França. Era de Toran profite es der arriu omonim.

Era vila ei plaçada, elevada e escartada, sus era confluéncia der arriu de Toran e era Garona. Era glèisa parroquiau de Sant Joan d'Agost ei òbra dera s XIX. S'i conserven cases d'interès, coma era de Saurat (tor quarrada dera s XVI) e era de Benosa, damb ua capèla romanica.

Eth folclòre ei encara, plan que diminuent, d'ua grana riquessa e varietat. Laguens eth tèrme i a es vilatges de Bordius, Campespin, era Cassenhau, eth Pradet, Porcingles, Sestrèr, era Mòla e Pujolà-ne-lèg, e eth pòble e santuari de Sant Joan de Toran.

Vilatges e masatges

Es vilatges son :

• Bordius (inabitat)
• Campespín (inabitat)
• Canejan (75 abitants)
• Cassenhau, era (inabitat)
• Moron e era Mòla (19 abitants)
• Pontaut (1 abitant)
• Porcingles (6 abitants)
• Pradet, eth (6 abitants)
• Sant Joan de Toran (inabitat)

Demografia

Era poblacion ei de 110 abitants (2008).

Evolucion demografica

1900	1930	1950	1970	1981	1986
637	480	310	171	137	122

Ligams extèrnes

• Siti oficiau deth municipi
• Ficha estatistica IDESCAT
• Ficha estatistica MUNICAT