Shepsekaf

Fichièr:Kopf des Prinzen Schepseskaf.png

Cap d'estatua de Shepsekaf

Mastaba de Shepsekaf a Saqqara

Shepsekaf que ho un faraon de la IV^au dinastia. Qu'èra lo hilh deu faraon Menkaora. Que ho dilhèu lo darrèr faraon de la soa dinastia (au mens - mes aquò b'ei pas probat - qu'un Djedefptah aja regnat après eth).

Grimal perpausa qu'aja esposada Khentkaós I, hilha de Djedefher mes shens cap eretèr dab era ; totun, com aquesta e sembla estar la fondatora de la Vau dinastia egipciana, com tanben Djedefher qu'a aquesit dab las generacions seguentas ua reputacion de gran sabent e com sembla estar estat en conflicte entà la succecion au tròne, que poderé estar lo magician de la ficcion deu Papirus de Westcar. Que cau mentàver totun qu'aqueth raconte qu'ei hèra posterior a l'epòca e que'n crontradiccion dab aquesta teoria, la soa narracion que hè deu magician un simple testimòni de la fin de la dinastia e pas l'ajòu de la seguenta.

De tot biais l'ascendència de Khentkaós b'ei pas clara (qu'ei dilhèus hilha de Menkaora e donc sòr de Sehpsekaf.

Shepsekaf que's destaca per aver acabada la piramida deu son pair mes de s'aver causit com sepultura un mastaba bastit a Saqqara a maugrat que lo son pair, lo son ajòu e lo pair deu son ajòu e siin hèit bastir las tres piramidas de Giza. Que ved dens aqueth hèit e dens d'autes signes ua divergència religiosa dab los sons predecessors.

Titulatura

• Lo son nom de Her qu'èra :
• Lo son nom de Nisot-Biti (mentavust dehens la Lista Reiau d'Abidòs) :

Hont

• Grimal, Nicolas. Histoire de l'Egypte ancienne. París : Fayard, 1988.
• Shaw, Ian. The Oxford History of Ancient Egypte. Oxford : Oxford University Press, 2000.

Precedit per Menkaora

Faraon Shepsekaf

Seguit per Oserkaf o Djedefptah

Portal Egiptopèdia

Accedissètz dirèctament als articles de Wikipèdia concernent l'Egipte antica : Istòria | Geografia | Organizacion politica | Faraon | Art | Mitologia | Dius | Vida vidanta | Bibliografia | Egiptològs | Lexic