Paire nòstre

Lo Pater en Cant gregorian

Lo paire nòstre o pater (pater noster en latin) es una pregària crestiana. N'existís mai d'una version occitana.

Version catara en occitan ancian

Tracha de l'evangèli de Matieu:

Le nostre Paire que es els cels

sanctificatz sia lo teus nom

avenga lo teus regnes

e sia faita la tua voluntatz sico el cel et e la terra.

E dona nos a nos oi le nostre pa qui es sobre tota causa.

E perdona a nos les nostres deutes,

aisi co nos perdonam as nostres deutors.

E no nos amenes en tentacio

Mas deliura nos de mal

Versions gasconas

Version aranesa oficiala dins las glèisas de la Val d'Aran :

Paire Nòstre qu'ei ath cèl,

qu'eth tièu nòm sia sanctificat;

qu'eth tièu règne venga.

qu'era tia volontat sia hèita ara tèrra coma ath cèl.

Dòna-nos agüèi eth nòstre pan de cada dia,

e perdona-nos es nòstres ofènses

coma nosàti perdonam es d'aqueths que nos an ofensats

e no nos deishes pas caure en tentacion;

mai deliura-nos deth malin.

Atal sia.

Version de Miquèu Grosclaude :

Pair noste qui ès dens lo cèu,

que ton nom se santifique,

que ton renhe nos avenga,

que ta volentat se hasca

sus la tèrra coma dens lo cèu.

Dona-nos uei noste pan de cada jorn,

perdona-nos nostes deutes

coma nosauts perdonam

aus nostes debitors

e hè que tombem pas dens la temptacion

mès deliura-nos deu mau.

Amèn.

Versions lengadocianas

La version oficiala qu'es dins lo Missal occitan de 1979 es aquela :

Paire nòstre que siès dins lo cèl,

que ton nom se santifique,

que ton rènhe nos avenga,

que ta volontat se faga

sus la tèrra coma dins lo cèl.

Dona-nos nòstre pan de cada jorn,

perdona-nos nòstres deutes

coma nosautres perdonam als nòstres debitors

e fai que tombèm pas dins la tentacion

mas deliura-nos del mal.

La traduccion de Cantalausa es mai poetica :

Paire del cèl, paire nòstre

Santificat lo teu nom

Fai avançar ton reialme

Ta volontat sus la tèrra, coma se fa dins lo cèl

Lo tròç de pan del besonh balha lo nos cada jorn

Perdona nos a nosautres

Coma perdonam ataben a los que nos faguèron quicòm

Desliura-nos de l'espròva

Desliura-nos de tot mal

Version provençala (en grafia mistralenca)

Paire nostre que siés dins lou cèu
Que toun noum se santifique
Que toun Règne nous avèngue
Que ta voulounta se fague sus la terro coume dins lou cèu
Douno nous vuei noste pan de cade jour
Perdouno nous nòsti dèute
Coume nous autre perdounan à nòsti debitour
E fai que toumben pas dins la tentacioun, mai deliéuro nous dóu mau.
Que soun tiéu: lou Règne, lou Poudé e la Glòri, aro e pèr l'eternita. Amen.

Version lemosina

Version extracha dau libre La Lison dau Peirat de Monica Sarrasin.

Nòstre pair que setz dins los ciaus
Que vòstre nom sia regraciat
Que vòstre volontat sia facha
Sus la terra coma dins los ciaus
Balhatz-nos aüei nòstre pan jornadier
Perdonatz-nos nòstres pechats
Eschivatz-nos, si'us platz, las temptacions
E gardatz-nos dau mau
Entau sia.

Ligams extèrnes

• Sobre el parenostre (Simone Weil) (traducció catalana)