Feminisme

Lo simbòl astronomic de la planeta Vènus, tanben sonat 'miralh de Vènus', es tanben lo simbòl del movement feminista.

Lo feminisme o movement feminista es l'ensems d'idèas e de faches que cerca de favorir los interèsses de las femnas sosmesas al poder masculin, per modificar las posicions d'inegalitat, d'esplecha sociala e de violéncia envèrs las femnas, ja que lo concèpte de ciutadania es bastit sus unes paramètres androcentristas. Lo feminisme de rasiga illustrada reclama de gaudir dels meteis dreches e dévers que gaudís l'òme. Lo movement feminista vòl transformar l'òrdre simbolic del patriarcat a travèrs de la recèrca d'una significacion pròpria e liura del fach d'èsser nascuts dins un còs sexual femenin o masculin. Lo feminisme vòl tanben modificar las definicions ont se sosten lo patriarcat dins l'esfèra familhara, sociala, culturala e politica. Lo feminisme bastit subre la teoria del discors planteja que lo sèxe es tanben una categoria d'analisi. Demanda la supression de l'ordre simbolic patriarcal.

---