Gra Celsius : Diferéncia entre lei versions
mCap resum de modificació |
mCap resum de modificació |
||
| Linha 15 : | Linha 15 : | ||
Lo gra Celsius es una unitat de l’Escala Internacionala de Temperatura. |
Lo gra Celsius es una unitat de l’Escala Internacionala de Temperatura. |
||
L'escala Celsius s'utiliza per exprimir lei temperaturas dins lei situacions de la vida vidanta: temperatura de l'aire, de l'aiga, d'una persona, d'un forn, d'un refregidor... Tanben s'utiliza dins de domenis scientifics e tecnics, e mai en fòrça cas s'impause l'usatge de l'escala |
L'escala Celsius s'utiliza per exprimir lei temperaturas dins lei situacions de la vida vidanta: temperatura de l'aire, de l'aiga, d'una persona, d'un forn, d'un refregidor... Tanben s'utiliza dins de domenis scientifics e tecnics, e mai en fòrça cas s'impause l'usatge de l'escala kelvin. |
||
== Diferéncia entre l'escala Celsius e l’escala centigrada== |
== Diferéncia entre l'escala Celsius e l’escala centigrada== |
||
Version del 5 febrièr de 2010 a 15.48
Lo gra Celsius (simbòl: °C) es l’unitat de l’escala de temperatura Celsius. Es una unitat derivada, introducha en 1948[1], dau Sistèma Internacionau d'Unitats[2].
Son nom fa referéncia a l’astronòm e fisician suedés Anders Celsius, qu'inventèt en 1742 una dei premiereis escalas centigradas de temperatura.
Definicions: l'escala Celsius de temperatura e son unitat, lo gra Celsius
L'escala Celsius t es definida per la diferéncia t = T-T₀ entre doas temperaturas termodinamicas T e T₀ en kelvin (simbòl: K), ont T₀ = 273,15 K[3].
L’unitat de l'escala Celsius es lo gra Celsius (simbòl: °C), per definicion egau en magnitud a l’unitat kelvin[3]: per exprimir una diferéncia de temperatura, leis unitats «kelvin» e «gra Celsius» son equivalentas; en d'autrei tèrmes, un interval de temperatura a la meteissa valor en gra Celsius o en kelvin.
Per exemple:
- la temperatura 37 °C correspònd a 310,15 K (37 + 273,15 = 310,15)
- la temperatura 25 °C correspònd a 298,15 K (25 + 273,15 = 298,15)
- 37 °C - 25 °C = 12 °C, e 310,15 K - 298,15 °C = 12 K
Lo gra Celsius es una unitat de l’Escala Internacionala de Temperatura.
L'escala Celsius s'utiliza per exprimir lei temperaturas dins lei situacions de la vida vidanta: temperatura de l'aire, de l'aiga, d'una persona, d'un forn, d'un refregidor... Tanben s'utiliza dins de domenis scientifics e tecnics, e mai en fòrça cas s'impause l'usatge de l'escala kelvin.
Diferéncia entre l'escala Celsius e l’escala centigrada
L'escala Celsius es definida per un sol ponch fixe de 0 °C a 273,15 K[4] (qu'es la temperatura de fusion de l’aiga) e una unitat qu'a la meteissa valor que l'unitat de la temperatura termodinamica en kelvin.
Autrament dich, l’escala Celsius es pas definida per la temperatura d’ebullicion de l’aiga a 100 gras sota una pression d’una atmosfèra au nivèu de la mar: aquesta darriera definicion es la dau gra centigrad. Pasmens, la diferéncia relativa es minima, 1/4000, la temperatura d’ebullicion de l’aiga estent de 99,975 °C[5].
Istoric dau gra Celsius
Es a la 9a Conferéncia Generala dei Pes e Mesuras (CGPM), en 1948, que lo Sistèma Internacionau, entre lei tres tèrmes « gra centigrad », « gra centesimau », e « gra Celsius » chausiguèt lo darrier.
L'usatge (encara pron frequent) de « gra centigrad » per designar lo gra Celsiu, es incorrècte.
Règlas d'escritura dau Sistèma Internacionau d'Unitats
- Lo gra Celsius es la sola unitat que son nom compòrta una majuscula[6]
- Lo simbòl, indissociable, dau gra Celsius es «°C». Es totjorn precedit d'un espaci insecable. Per exemple, s'escriu 25 °C (mai PAS 25°C, ni 25° C)
- A aquela unitat, se li aplica normalament lei prefixes dau Sistèma Internacionau. Per exemple, se pòt parlar de « milligrà Celsius (simbòl: m℃) »: 0,005 °C = 5 m°C
Nòtas e referéncias
- ↑ (fr) |BIPM - 1948
- ↑ (fr) BIPM - tablèu 3
- ↑ 3,0 et 3,1 (fr) BIPM - kelvin
- ↑ (fr) BIPM - Résolution 3 de la 9e CGPM
- ↑ (en) About temperature
- ↑ Unicament a l'iniciala dau segond mot