Mamot

Mamot

Lo mamot (del rus ancian маммот, uèi мамонт) es caduna de las espècias del genre extint Mammuthus, encara que lo mamot per excelléncia es lo mamot lanut, M. primigenius, de caissòlas longas e acorbaissadas, que s'en son trobats d'exemplars sepultats dins lo permafrost de Siberia. Las espècias qu'abitavan pus al nòrd, avián una cubèrta de pel long que los protegiá dels glacials freds. Vivián dins las regions septentrionalas d'Euròpa, Asia, America del Nòrd e d'America Centrala. Los còsses de mamots glaçats, an generalament un gra de conservacion tan bon, que mai d'un can dels cercaires se son noirits de lor carn. S'es prepausat de clonar d'exemplars desglaçats amb la fin de reviure aquela espècia. Al delà de la carn gelada, en Siberia se trobèron de quantitats grands d'evòri que foguèt utilizat coma d'article de comèrci pendent fòrça sègles. Los mamots s'originèron dempuèi l'elefant asiatic après la division dels elefants africans, doncas que lo mamut èra mai pròche de l'elefant asiatic qu'aqueste darrièr del'elefant african. Ja que i a un cas reüsit de crosament de las varietats asiatica e africana, se cre que se los mamots existiguèsson actualament, podrián se crosar amb la varietat asiatica e, per aquò, s'es ideat de recrear aquela espècia en prenent de semen glaçat de mamot e en l'utilizant per tal d'emprenhar una elefanta. Los crosaments futurs eliminarián los caractèrs pròpris de l'elefant asiatic fins a arribar a un mamot totalament reconstruch. Ça que la, s'es encara pas trapat de semen pro intacte coma per començar l'experiéncia.