Bascoat

Las sèt províncias tradicionalas del Bascoat, amb lors noms bascos

Lo Bascoat (del latin *uasconicātus; cfr. navarrés e castelhan ancian bascongado) o lo País Basco o lo País Basc (Euskal Herria en basco) es lo país del sud-oèst d'Euròpa ont se parla lo basco o basc. Se parteja entre los dos estats de França (part del departament dels Pirenèus Atlantics) e d'Espanha (part de la Comunautat Autonòma Basca e de la Comunautat Forala de Navarra).

Lo gentilici es basco basca o basc basca (o fòrça rarament bàscol basca).

Províncias

Lo Bascoat a sèt províncias istoricas o tradicionalas (en basc lurraldeak), tres al nòrd e quatre al sud.

• Dins lo Nòrd (en basco Iparralde), partida situada en França, en jaune sus la mapa:
  • (1) Labord (en basco Lapurdi)
  • (2) Sola (en basco Zuberoa)
  • (3) la Bassa Navarra (en basco Nafarroa Beherea)
• Dins lo Sud (en basco Hegoalde), partida situada en Espanha:
  • (4) Comunautat Forala de Navarra (Nafarroako Foru Komunitatea en basc), en verd sus la mapa
  • dins la Comunautat Autonòma Basca, en malva sus la mapa:
    • (5) Biscaia (en basco Bizkaia)
    • (6) Guipuscoa (en basco Gipuzkoa)
    • (7) Alaba (en basco Araba).
      • Trebiñu es una enclava en Alaba qu'aperten oficialament a la region de Castelha e Leon e a la província de Burgos. Una part de la populacion e dels elegits locals e tanben los movements basquistas considèran qu'es una part del Bascoat, donc demandan son incorporacion a la província d'Alaba.

• 
  "Mapa de las sèt províncias bascas mostrant la delimitacion actuala del basco e sa division en dialèctes, sosdialèctes e varietats" deguda al prince Loís Lucian Bonaparte
• 
  Los dialèctes del basco
• 
  Mapa d'extension actuala dels dialèctes bascos deguda a Koldo Zuazo
• 
  Percentatge actual de bascofòns (lenga mairala)
• 
  Percentatge actual de bascofòns