Còrda

Còrda

Una còrda es un element format de fibras texilas torsadas o trenadas unicament en sens longitudinal, per fin de confecionar de peças resistentas e flexiblas d'espessor e longor desiradas.

Las fibras pòdon èsser naturalas: cambe, lin, lana, coton, seda o autras o artificialas a partir de derivats plastics, principalament nilon. Se las còrdas son constituïdas de fibras metallicas (acièr, coire, alumini) recebon lo nom de cables.

L'usatge basic es ligar d'un biais permanent o temporari un o mai d'un elements entre eles o amb d'autras (fasent de noses). I a d'usatges derivats coma los trabalhs de traccion, de suspension verticala e lo traçat de linhas drechas.

S'utiliza pels trabalhs en nautor per assegurar o prevenir la casuda d'objèctes o de personas. Tanben pels espòrts de montanha per assegurar los practicants o per far de davaladas en dobla còrda.

La còrda es utilizada coma aisina per l'òme dempuèi lo començament de son existéncia amb un grand ventalh d'usatges. Lo cordièr es persona que lo mestièr es de far de còrdas.

Es utilizada tanben per fòrça animals e un bon nombre d'aqueles pòdon –atal coma l'òme- la confecionar o la produsir segon los sieus besonhs.

Recebon lo nom de còrdas –sens o èsser vertadièrament- los cables vibratils d'unes instruments de musica, que dintran en vibracion en essent percutats coma dins lo cas del piano, o fretats coma pel violon, o pecigats coma amb la guitarra.