Golf de Mexic : Diferéncia entre lei versions
m Bot: Modificat: jbo:mexygu'e xamsi |
m Bot: Adjuntet: ur:خلیج میکسیکو |
||
Linha 77 : | Linha 77 : | ||
[[tr:Meksika Körfezi]] |
[[tr:Meksika Körfezi]] |
||
[[uk:Мексиканська затока]] |
[[uk:Мексиканська затока]] |
||
[[ur:خلیج میکسیکو]] |
|||
[[vi:Vịnh Mexico]] |
[[vi:Vịnh Mexico]] |
||
[[zh:墨西哥湾]] |
[[zh:墨西哥湾]] |
Version del 27 junh de 2009 a 16.07
Lo golf de Mexic (en anglés Gulf of Mexico, en espanhòl Golfo de México) es la part de l'ocean Atlantic compresa entre las peninsulas de Florida e Yucatan, al sud-èst de l'America del Nòrd. Comunica al sud-èst amb la mar Cariba pel canal de Yucatan e a l'èst amb l'Atlantic pel canal de Florida. S'espandís sus una superfícia d'1 550 000 km² e atenh una fonsor maximala de 3804 m.
Los estats riberencs del golf son:
- Mexic (estats de Tamaulipas, Veracruz, Tabasco, Campeche, Yucatan e Quintana Roo) a l'oèst e al sud;
- Cuba al sud-èst;
- los Estats Units (estats de Florida, Alabama, Mississipí, Loïsiana e Tèxas) al nòrd-est e al nòrd.
Lo corrent del Golf, un corrent caud de l'ocean Atlantic e un dels corrents oceanics mai fòrts que se conesca, a per origina precisament lo golf de Mexic. Lo golf recep la visita, mantuna vegada cada sason, dels potents auragans de l'Atlantic; d'unes an causat de pèrdas umanas e materialas (demest los pus recents, per exemple, l'auragan Katrina en l'an 2005).
La baia de Campeche, en Mexic, es un de las grandas entradas d'aqueste golf, e es sonque un exemple de las nombrosas baias e calas que descopan la còsta del golf de Mexic. I desembocan un grand nombre de rius, que lo principal es Mississipí. Lo litoral del golf es plan gaireben pertot e es caracterizat per la preséncia de longas e estrechas barrièras de petitas illas, e tanben sanhas e paluns e de grandas extensions de plajas sablonosas.
Las ciutats costanièras principalas son Tampa, Saint Petersburg, Pensacola, Mobile, Nova Orleans, Beaumont e Houston (totas aquelas als Estats Units), Tampico, Tuxpan, Veracruz e Mérida (en Mexic) e l'Avana (a Cuba).