Diocèsi

Un diocèsi es lo nom d'una circonscripcion territoriala de l'Empèri roman a partir de Dioclecian.

Aqueste mot es estat adoptat per las Glèisas crestianas (Glèisa catolica romana, Glèisa ortodòxa, Glèisa apostolica armènia, Glèisa còpta) per designar lo territòri canonic d'un evescat qu'èra inicialament apelat parròquia. Es lo territòri plaçat jos la responsabilitat d'un meteis sèti episcopal e d'un meteis evesque. Dins las Glèisas ortodòxas e las glèisas catolicas de rit oriental, de còps, s'utiliza lo mot d'eparquia qu'es pas vertadièrament equivalent al mot diocèsi perque a aquerit, en Grècia especialament, una connotacion puslèu civila e politica. Cal notar lo caractèr profan del mot diocèsi que designa un luòc e l'ensemble de sa populacion comprenent a l'encòp de crestians e de non-crestians.