Flandra (region istorica)

Vlaanderen

Fichièr:Flag Belgium flanders.svg
La region flamenca	La comunautat flamenca
País	Belgica
Lenga oficiala	Neerlandés
Capitala	Brussèlas
Ministre-President	Yves Leterme
Superficia  – Totala	13,522 km²
Populacion  – En la region flamenca  – en la region de Brussèlas Densitat	6,043,161 (2005) aprox. 200 000 447/km²
Imne nacional	De Vlaamse Leeuw

Flandra (en neerlandés, Vlaanderen) es lo nom d'una region que, en la Edad Medjana, cobrís part de lo nòrd de la França (la region de lo riu Escaut), lo nòrd‑oèst de la Belgica e l'extremitat sud‑oèst dels Païses Basses (la Flandra zelandesa; en neerlandés, Zeeuws-Vlaanderen).

Abans la regionalisacion de la Belgica, lo mòt Flandra correspondia al territòri de las províncias West-Vlaanderen e Oost-Vlaanderen. Correspond d’uèi a una de las tres regions de l'estat federau de Belgica.

Geografia

La Flandra fòrma una plana que s'estira d'oèst en èst e compren diversas regions, del nòrd‑oèst al sud‑èst: a l’òrle de la mar del Nòrd, la region costièra ambé la plaja e las dunas; la region de polders, d'una larjor de 10 a 15 km, ambé doas sota‑regions, lo Veurne Ambacht, o Mestier de Fuernas, dinc lo bassin de l’Yser, e li polders del bas Escaut; la Flandra interiora, ambé sas doas compausantas, la Flandra sablosa – que compren lo país de Torhòut, lo país d'Eeklo e lo país de Waes – puèi la Flandra sablo‑limonosa, al sud, ambé lei còlas flamencas (156 m al mont Kemmel) e lei còlas de Renaix o Ardenas flamencas (141 m al mont de l'Enclús e 157 m al Pottelberg).

Istòria

Lo comtat de Flandra remonta a l'epòca carolingiana. Lo tractat de Verdun (843) lo placet en Lotaringia, puèi passet a la Francia occidentala per lo tractat de Meersen (870). S’espandiguet vel nòrd de la França d’en primier (Rijsel, Arràs), puèi vers l'Empèri (Flandra imperiala), de l’auta mân de l'Escaut, gràcias i comtes que se seguèron de paire en filh de 862 a 1119 (de Baudoïn Ier a Baudoïn VII) e arribet a cima de sa poténcia al sègle XII, sota li renhes de Tièrri e Felipe d'Alsaça.

Vassau del rèi de França, lo comte de Flandra patís puèi la politica centralisadora de son suzeran capeciãn. Annexada per Philippe le Bel, la Flandra se revòlta (Matinas brugesas) e umilia la chavalaria francesa a la batalha dels Esperons d'aur (1302). A la mòrt del comte Loís de Mala (1384), escai a son gendre, lo duc de Borgonha Felipe l’Ardit. Província di País Bas espanhòus, puèi austrians, la Flandra pèrd l'Artés al tractat di Pirenèus (1659), Rijsel e Douai (Flandra francesa) al tractat d'Ais de la Chapèla (1668), e se vei quitar, puèi restituir, diversas vilas flamencas. La França, sota la Revolucion, divisa son territòri en dos departaments : lo de la Lys e lo de l'Escaut, que devendraun las províncias de Flandra Occidentala e de Flandra Orientala.