Baiona

Ostaus de Baiona

Baiona qu'ei ua vila d'Occitània, en Gasconha, situada dens lo parçan deu Baish Ador e la província tradicionau de Labord. Que's tròba dens lo departament francés deus Pirenèus Atlantics.

Lengas

La lenga tradicionau de la conurbacion formada per Biàrritz, Baiona e Anglet (nuclèu deu Baish Ador) qu'ei l'occitan (gascon), segon las enquistas filologicas deus sègles XIX e XX (vejatz en particular l'Atlas linguistique de la Gascogne), mes que i a ua hòrta preséncia deu basco deguda a ua immigracion rurala recenta de l'arrèrpaís bascofòn. En tot cas la lenga dominanta i es lo francés dempuish lo sègle XX. Los movements culturaus locaus que revendican l'occitan e lo basco e qu'an obtengut ua senhalizacion trilingüa en francés, en basco e en occitan.

Los movements occitanistas que revendican lo Baish Ador (dab Baiona) coma ua part d'Occitània, qu'es çò que hè en particular l'associacion culturala locala Ací Gasconha. Los movements basquistas que'u revendican coma ua part deu Bascoat.

• 
  Localizacion de Baiona en Labord.

Ligams extèrnes

Baiona en 2005, INSEE

Labord