Bascoat

Localizacion del Bascoat

Lo Bascoat o lo País Basco o lo Baís Basc (en basco Euskal Herria o mens exactament Euskadi) es lo país del sud-oèst d'Euròpa ont se parla lo basco o basc. Se parteja entre los dos estats de França (part del departament dels Pirenèus Atlantics) e d'Espanha (Comunautat Autonòma Basca e Comunautat Forala de Navarra).

Lo gentilici es basco basca o basc basca (o fòrça rarament bàscol basca).

Províncias

Lo Bascoat a sèt províncias istoricas (en basc lurraldeak), tres al nòrd e quatre al sud.

Las sèt províncias istoricas del Bascoat, amb los sieus noms bascos

• Dins lo Nòrd (en basco Iparralde), partida situada en França, en jaune sus la mapa:
  • (1) Labord (en basco Lapurdi)
  • (2) Sola (en basco Zuberoa)
  • (3) la Bassa Navarra (en basco Nafarroa Beherea)
• Dins lo Sud (en basco Hegoalde), partida situada en Espanha:
  • (4) Navarra (en basco Nafarroa), en verd sus la mapa
  • dins la Comunautat Autonòma Basca, en malva sus la mapa:
    • (5) Biscaia (en basco Bizkaia)
    • (6) Guipuscoa (en basco Gipuzkoa)
    • (7) Alaba (en basco Araba).
  • Lo comtat de Trebiñu, en blau sus la mapa, es un enclavament dins Alava qu'aperten oficialament a la region de Castelha e Leon e a la província de Burgos. Una part de la populacion e dels elegits locals e tanben los movements basquistas considèran qu'es una part del Bascoat, donc demandan son incorporacion a la província d'Alaba.