Flandra (region istorica) : Diferéncia entre lei versions

Un article de Wikipèdia, l'enciclopèdia liura.
Contengut suprimit Contengut apondut
Cedric31 (discussion | contribucions)
Ajust paleta de navigacion
EBRE (discussion | contribucions)
Cap resum de modificació
Linha 67 : Linha 67 :
[[eu:Flandria]]
[[eu:Flandria]]
[[fi:Flanderi]]
[[fi:Flanderi]]
[[fr:Région Flamande]]
[[gl:Flandres]]
[[gl:Flandres]]
[[he:פלנדריה]]
[[he:פלנדריה]]

Version del 16 genièr de 2008 a 13.29

Vlaanderen

La region flamenca

La comunautat flamenca
País Bandièra de Belgica Belgica
Lenga oficiala neerlandés
Capitala Brussèlas
Ministre-President Yves Leterme
Superfícia
 – Totala

13 522 km²
Populacion
 – Dins la region flamenca
 – dins la region de Brussèlas

6 043 161 (2005)
aprox. 200 000
Densitat 447 ab./km²
Imne nacional De Vlaamse Leeuw


Flandra o Flandes (en neerlandés, Vlaanderen) es lo nom d'una region que, a l'Edat Mejana, cobrissiá una part del nòrd de la França (la region del riu Escaut), lo nòrd‑oèst de Belgica e l'extremitat sud‑oèst dels Païses Basses (la Flandra zelandesa; en neerlandés, Zeeuws-Vlaanderen).

Abans la regionalizacion de Belgica, lo mòt Flandra correspondiá al territòri de las províncias West-Vlaanderen e Oost-Vlaanderen. Correspond d’uèi a una de las tres regions de l'estat federal de Belgica.

Geografia

La Flandra fòrma una plana que s'estira d'oèst en èst e compren divèrsas regions, del nòrd‑oèst al sud‑èst: a l’òrle de la mar del Nòrd, la region costièra amb la plaja e las dunas; la region de polders, d'una largor de 10 km a 15 km, amb doas sota‑regions, lo Veurne Ambacht, o Mestier de Fuernas, dinc lo bacin de l’Yser, e los polders del bas Escaut; la Flandra interiora, amb sas doas compausantas, la Flandra sablosa – que compren lo país de Torhòut, lo país d'Eeklo e lo país de Waes – puèi la Flandra sablo‑limonosa, al sud, amb las còlas flamencas (156 m al mont Kemmel) e las còlas de Renaix o Ardenas flamencas (141 m al mont de l'Enclús e 157 m al Pottelberg).

Istòria

Lo comtat de Flandra remonta a l'epòca carolingiana. Lo tractat de Verdun (843) lo placèt en Lotaringia, puèi passèt a la Francia occidentala per lo tractat de Meersen (870). S’espandiguèt vel nòrd de la França d’en primièr (Rijsel, Arràs), puèi vers l'Empèri (Flandra imperiala), de l’auta mân de l'Escaut, gràcias als comtes que se seguèron de paire en filh de 862 a 1119 (de Baudoïn Ier a Baudoïn VII) e arribèt a cima de sa poténcia al sègle XII, sota los renhes de Tièrri e Felipe d'Alsaça.

Vassal del rèi de França, lo comte de Flandra patís puèi la politica centralizadora de son suzeran capecian. Annexada per Felipe lo Bel, la Flandra se revòlta (Matinas brugesas) e umilia la cavalariá francesa a la batalha dels Esperons d'aur (1302). A la mòrt del comte Loís de Mala (1384), escai a son gendre, lo duc de Borgonha Felipe l’Ardit. Província dels Países Basses espanhòls, puèi austrians, la Flandra pèrd l'Artés al tractat dels Pirenèus (1659), Rijsel e Douai (Flandra francesa) al tractat d'Ais de la Capèla (1668), e se vei quitar, puèi restituir, divèrsas vilas flamencas. La França, sota la Revolucion, devesís son territòri en dos departaments : lo de la Lys e lo de l'Escaut, que devendràn las províncias de Flandra Occidentala e de Flandra Orientala.