Aubrac : Diferéncia entre lei versions
Cap resum de modificació |
Ajust categorias & ligams |
||
Linha 47 : | Linha 47 : | ||
[[Categoria:Region naturala d'Occitània]] |
[[Categoria:Region naturala d'Occitània]] |
||
[[categoria:parçan occitan]] |
[[categoria:parçan occitan]] |
||
[[Categoria:Region naturala de França]] |
|||
[[Categoria:Via Podiensis]] |
|||
[[Categoria:Losera]] |
|||
[[Categoria:Geografia de França]] |
|||
[[de:Aubrac (Region)]] |
|||
[[en:Aubrac]] |
|||
[[es:Aubrac]] |
|||
[[nl:Aubrac]] |
Version del 14 novembre de 2007 a 08.44
Aubrac es un replanat d'origina volcanica del Massís Central. Constituís un parçan d'Occitània[1]. Es despartit entre las regions istoricas de Gavaudan, Roergue e Auvèrnha (e entre los departaments de Losera, Avairon e Cantal).
Delimitacion
S'Aubrac es plan tipat tan culturalament coma pels paisatges a pas cap d'unitat istorica. Foguèt totjorn despartit entre Auvèrnha (per una pichòta part), Roergue e Gavaudan als quals succedèron Cantal, Avairon e Losera. Lo punt d'encontra dels tres païses es la Crotz dels tres avesques.
L'Aubrac "pregond" es lo del naut platèu erbós, deboscat a l'edat mejana ont se tròban las estivas e qualques vilatges coma Nasbinal. Mas a l'oèst coma a l'èst los cantons granitics e mai boscarrut de La Guiòla o Aumont d'Aubrac son tanben considerat coma part d'Aubrac e fan transicion amb la Viadèna e Marjarida.
Al sud lo platèu davala plan bruscament cap a la val d'Òlt.
Istòria
Geografia e geologia
L'altitud mejana es compresa entre 1000 m e 1400 m, e los punts culminants ne son los Trucs d'Aubrac (1440 m) e lo Senhal de Malhe Biau (1469 m). Lo clima es un clima montanhòl rude amb temperaturas fredas e fòrça nevadas e ventadas l'ivèrn.
L'istòria geologica d'Aubrac es comuna amb la dels autres cantons granitics del massís central. En -40 Ma lo vièlh sòcle granitic (granit de Marjarida, vièlh de -300 Ma) se tròba joslevat per l'orogenesa pirenenca. Entre -8 Ma e -6 Ma lo volcanisme i es actiu e se constituís la zòna centrala basaltica del replanat, la mai nauta. Enfin Aubrac foguèt cobert per de glacièrs al quaternari qu'arrasèron lo replanat.
Idrologia
Aubrac mena sas aigas pas que al bacin de Garona que siá per Òlt (los rius del Sud e Sud-oèst del replanat) o per Trueire (oèst, èst, centre e nòrd del replanat). Lo riu màger que a la font sus Aubrac es Bès, orientat sud-nòrd e qu'amassa las aigas del replanat central.
Aubrac es conegut per sos lacs e laquets d'origina glacària (Lac de Sant Andeòl, Lac de Bòrn, Las de Salhens, Lac de Sovairòl).
Comunas d'Aubrac
Luòcs d'Aubrac
crotz dels tres avesques
Nòtas
- ↑ Segon la classificacion de Frederic Zégierman.
-
Vista del platèu costat avaironés
-
Vista d'un buron
-
Lo vilatge d'Aubrac e los trucs
-
Vista anivolada d'un buron .