Ans 1690

../.. | Ans 1660 | Ans 1670 | Ans 1680 | Ans 1690 | Ans 1700 | Ans 1710 | Ans 1720 | ../..

Istòria

1695 : en Japon, en causa dei lèis de proteccion adoptadas en 1687, lei chins s'èran multiplicats dins la capitala politica, Edo, çò que començava de pausar de problemas d'igièna. 50 000 animaus foguèron donc expulsats vèrs de canigons bastits en fòra de la vila. Un impòst especiau foguèt creat per lei norrir.
1695-1697 : après divèrsei reviradas, leis Espanhòus capitèron de conquerir Tayasal, la darriera ciutat-estat maia demorada independenta. Poguèron i destrurre lo culte maia e i instaurar lo catolicisme. Lei subrevivents se retirèron dins la jungla onte dispareguèron pauc a pauc.
1697 : importanta desfacha otomana a Batalha de Zenta amb la pèrda de 30 000 òmes, de 87 canons e dau harèm dau sultan. Aquela victòria permetèt ais Austrians e a seis aliats d'impausar la dubertura de negociacions de patz (→ 1699).
1698-1699 : lòng dau litorau de l'Africa Orientala, presa dei comptadors portugués de Mombasa (1698) e de Zanzibar (1699) per leis Omannés.

Article detalhat: Tractat de Karlowitz.

1699 : signatura dau tractat de Karlowitz (28 de genier) que marquèt la fin de la Granda Guèrra Turca. Batut, l'Empèri Otoman deguèt cedir divèrsei territòris : Podília annexada per Polonha-Lituània, la màger part d'Ongria e d'Eslavonia e sei drechs de successions sus Transilvània a Àustria e, enfin, una partida de Dalmàcia, Ragusa, l'illa de Sassos e Morèa a la Republica de Venècia.

Cultura

Gravadura europèa representant lo Palais de Potala dins lo corrent de sa construccion (vèrs 1661).

1694 : acabament dei trabalhs principaus de construccion dau Palais de Potala en Tibet. Es un palais-fortalesa que son arquitectura es inspirada per lo palais dei senhors de Ladakh situat a Leh. Pasmens, amb tretze estancis e mai d'un milièr de pèças, a de dimensions pus importantas e a la fin de sa construccion, fasiá partida dei construccions umanas pus autas de la planeta. O demorèt fins au sègle XIX. Foguèt protegit per lo govèrn chinés en 1961 e classat au Patrimòni Mondiau de l'Umanitat en 1994.

Sciéncias e tecnicas

Dessenh de la pompa de Savery.

1698 : depaus de brevet de l'engenhaire britanic Thomas Savery (vèrs 1650 - 1710) per una maquina de vapor permetent de pompar l'aiga dins lei minas prefondas. Pasmens, son invencion èra fòrça perilhosa e son utilizacion durèt gaire.

Decès

• Alexandre VIII, papa de la Glèisa Catolica.
• Robert Boyle, fisician e quimista anglés.
• Aelbert Cuyp, pintaire olandés.
• Christian Huygens, sabent olandés.
• Ivan IV, tsar de Russia.
• Marcello Malpighi, mètge italian.
• Friderich Martens, fisician alemand.
• François Michel Le Tellier de Louvois, ministre francés.
• Jean Racine, escrivan francés.
• Carlo Renaldini, sabent e filosòf italian.
• Jean Richer, astronòm francés.
• Melchisédech Thévenot, fisician francés.
• Soliman II, sultan otoman.
• Unsa II, sultan de Sennar.