Ans 1750 : Diferéncia entre lei versions

Un article de Wikipèdia, l'enciclopèdia liura.
Contengut suprimit Contengut apondut
Cap resum de modificació
Linha 21 : Linha 21 :
<br/>
<br/>
'''1755''' : publicacion dau ''[[Discors sus l'origina e lei fondaments de l'inegalitat entre leis òmes]]'' dau [[filosofia|filosòf]] [[Jean-Jacques Rousseau]] ([[1712]]-[[1778]]). Obratge centrau de la pensada de Rousseau, amb lo ''Contracte sociau'', aqueu tèxte depintèt l'estat de natura pròpri a la filosofia de l'autor e presentèt la proprietat privada coma la fònt de totei leis inegalitats (→ [[1762]]).
'''1755''' : publicacion dau ''[[Discors sus l'origina e lei fondaments de l'inegalitat entre leis òmes]]'' dau [[filosofia|filosòf]] [[Jean-Jacques Rousseau]] ([[1712]]-[[1778]]). Obratge centrau de la pensada de Rousseau, amb lo ''Contracte sociau'', aqueu tèxte depintèt l'estat de natura pròpri a la filosofia de l'autor e presentèt la proprietat privada coma la fònt de totei leis inegalitats (→ [[1762]]).
<br/>
{{veire|Guèrra de Sèt Ans}}
'''1756''' : començament de la [[Guèrra de Sèt Ans]]. Opausèt doas coalicions formadas, d'un caire, d'[[Anglatèrra]] e de [[Prússia]] e, d'autre caire, de [[França]], d'[[Àustria]] e de [[Russia]]. Divèrseis autreis [[estat]]s jonhèron lei dos camps segon seis interès e lei combats s'estendiguèron a totei lei [[continent]]s.


== Cultura ==
== Cultura ==

Version del 26 octobre de 2020 a 16.55

../.. | Ans 1720 | Ans 1730 | Ans 1740 | Ans 1750 | Ans 1760 | Ans 1770 | Ans 1780 | ../..

Istòria

1752 : dins l'estèpa, una crisi de succession a la tèsta dei Jungars degenerèt en guèrra civila entre lei princes Dawachi e Amursana. Vencut, lo segond s'enfugiguèt en China. I obtenguèt lo sostèn de l'emperaire Qianlong per conquistar son tròne en cambi de la reconóissança de la senhoriá Qing (→ 1755).
1752 : dins lo nòrd-oèst de la Peninsula Indiana, annexion dei regions de Pendjab, de Multan e de Cachemire per Afganistan. Aquò illustrèt lo declin avançat de l'Empèri Mogòl.
1754 : dins l'Empèri Otoman, mòrt dau sultan Mahmud Ièr que foguèt remplaçat per Osman III.
1754 : multiplicacion deis escaramochas entre Francés e Anglés en America dau Nòrd. Aquelei combats foguèron una causa de la Guèrra de Sèt Ans.
1755 : proclamacion de l'independéncia de Corsega per lo generau Paoli. D'institucions modèrnas foguèron rapidament creadas amb la redaccion d'una constitucion, l'adopcion dau sufragi universau (masculin e probablament femenin) ò la fondacion d'una universitat (a l'origina de l'Universitat de Corsega actuala). Una Dieta formada de deputats elegits per un mandat de tres ans foguèt creada per dirigir la Republica.

Gravadura representant la destruccion de Lisbona en 1755.

1755 : destruccion de la màger part de Lisbona per tèrratrem poderós d'una magnitud estimada entre 8,5 e 9. Lo rèi e son govèrn, qu'èran pas en vila, subrevisquèron e lo ministre Sebastião José de Carvalho e Melo organizèt rapidament lei secors (avitalhament, enterrament dei mòrts, mobilizacion de l'armada per defugir lei pilhatges). Pasmens, la catastròfa entraïnèt la mòrt de 50 000 a 70 000 abitants.
1755 : mòrt dau negus Iyasu II. Aquò accelerèt lo declin dau poder reiau etiopian amb lo començament d'una guèrra civila entre doas emperatritz assaiant d'obtenir la regéncia. Aquò permetèt au ras de Tigre, Mikael Sehul, de venir l'arbitre dei tensions entre lei clans reiaus.
1755 : consequéncia dau conflicte de 1752, començament d'una ataca chinesa còntra lei Jungars. L'emperaire Qianlong nomèt quatre khans — egaus entre elei — per dirigir lei Jungars sota sa senhoriá. Lei dos pretendents principaus au tròne jungar, Dawachi e Amursana, faguèron partida dei khans. Aquò mau contentèt Amursana que revendicava la totalitat dau poder (→ 1756).
1755 : publicacion dau Discors sus l'origina e lei fondaments de l'inegalitat entre leis òmes dau filosòf Jean-Jacques Rousseau (1712-1778). Obratge centrau de la pensada de Rousseau, amb lo Contracte sociau, aqueu tèxte depintèt l'estat de natura pròpri a la filosofia de l'autor e presentèt la proprietat privada coma la fònt de totei leis inegalitats (→ 1762).

Article detalhat: Guèrra de Sèt Ans.

1756 : començament de la Guèrra de Sèt Ans. Opausèt doas coalicions formadas, d'un caire, d'Anglatèrra e de Prússia e, d'autre caire, de França, d'Àustria e de Russia. Divèrseis autreis estats jonhèron lei dos camps segon seis interès e lei combats s'estendiguèron a totei lei continents.

Cultura

Sciéncias e tecnicas

1755 : après la destruccion de Lisbona per un tèrratrem, lo ministre portugués Sebastião José de Carvalho e Melo decidèt d'organizar una enquista sus lei causas e leis efiechs dau fenomèn. Aquò es considerat coma l'acte de naissença de la sismologia.
1755 : premiera publicacion d'una teoria generala dau calcul de variacion escricha per lo matematician alemand Leonhard Euler (1707-1783) dins son obratge intitulat Institutiones calculi differentialis (en occitan Tractat de calcul diferenciau).
1756 : descubèrta de la premiera zeolita naturala per lo mineralogista suedés Axel Frederik Cronstedt (1722-1765). Li donèt lo nom d'estilbita e comprenguèt qu'aviá descubèrta una classa novèla de mineraus (→ 1840).

Decès

Liames intèrnes

Bibliografia

Nòtas e referéncias