Sègle III apC : Diferéncia entre lei versions

Un article de Wikipèdia, l'enciclopèdia liura.
Contengut suprimit Contengut apondut
Linha 65 : Linha 65 :
<br/>
<br/>
'''282''' : assassinat de l'emepraire roman [[Probus]] per un grop de soudats. Sa mòrt marquèt lo començament d'una guèrra civila marcada per de rèines brèus e de temptativas nombrosas d'usurpacion dau poder (→ [[284]]).
'''282''' : assassinat de l'emepraire roman [[Probus]] per un grop de soudats. Sa mòrt marquèt lo començament d'una guèrra civila marcada per de rèines brèus e de temptativas nombrosas d'usurpacion dau poder (→ [[284]]).
<br/>
'''283''' : pilhatge de [[Ctesifont]], capitala de la [[Pèrsia]] [[Empèri Sassanida|Sassanida]], per lei legions romanas d'Orient.
<br/>
<br/>
'''284''' : dins l'[[Empèri Roman]], presa dau poder per [[Dioclecian]] (→ [[285]]).
'''284''' : dins l'[[Empèri Roman]], presa dau poder per [[Dioclecian]] (→ [[285]]).

Version del 26 abril de 2020 a 15.46

../.. | sègle I apC | sègle II apC | sègle III apC | sègle IV apC | sègle V apC | ../..

Istòria

195-202 : après lo sostèn part a l'armada de Pescennius Niger, Septimi Sever comencèt una guèrra novèla entre Romans e Parts. Lei premiers prenguèron pauc a pauc l'avantatge e ocupèron Nisibe (195) e Ctesifont (197). La patz foguèt restablida en 202 amb un acòrdi favorable ai Romans. Dins aquò, lei Parts demorèron una poissança importanta dins la region.
211 : dins l'Empèri Roman, mòrt de l'emperaire Septimi Sever que foguèt remplaçat per sei fius Caracalla e Geta. Pasmens, lo premier capitèt rapidament d'assassinar lo segond. Lo rèine de Septimi Sever veguèt un renfòrçament de l'aspècte monarquic de l'Empèri.
212 : edicte de Caracalla qu'estendiguèt l'estatut de ciutadan roman a totei leis òmes liures de l'Empèri Roman.
216 : començament d'una guèrra novèla entre Romans e Parts a prepaus d'Armenia. De negociacions rapidas permetèron de restablir la patz amb un maridatge entre Caracalla e una filha dau rèi Artaban V. Pasmens, durant la ceremònia, l'emperaire roman ordonèt a sei soudats de chaplar lei Parts. Artaban capitèt de s'escapar e la guèrra reprenguèt.
217-218 : assassinat de Caracalla a l'iniciativa dau prefècte Macrin que se proclamèt emperaire. Pasmens, per estabilizar son poder, negocièt un tractat de patz fòrça favorable ai Parts. Vengut impopular, foguèt tuat per sei soudats. Elagàbal venguèt emperaire sota la direccion de sa maire e de sa grand (→ 222).

Reiaumes chinés dau Periòde dei Tres Reiaumes.
Article detalhat: Periòde dei Tres Reiaumes.

220 : en China, reversament de l'emperaire Han Xiandi per lo generau Cao Pi. Aquò marquèt la fin de la dinastia Han e marquèt lo començament dau Periòde dei Tres Reiaumes.
222 : assassinat de l'emperaire roman Elagàbal per sa garda personala. Foguèt remplaçat per Sever Alexandre que menèt una politica prudenta de redreiçament economic.

Article detalhat: Empèri Sassanida.

224-226 : revòuta dau Sassanida Ardashir Ièr còntra lei Parts. Lo rèi Artaban V assaièt de reprimir l'insureccion mai foguèt tuat a la batalha d'Hormizdaghan. Aquò permetèt ai Sassanida de conquistar pauc a pauc tot lo territòri part e de fondar l'Empèri Sassanida.

Carta de l'Empèri Roman au començament de la crisi.
Article detalhat: Crisi dau sègle III.

235 : assaiant de negociar la fin d'un conflicte amb leis Alamans, l'emperaire Sever Alexandre foguèt assassinat per sei tropas e remplaçat per Maximin. Aquò marquèt lo començament d'un lòng periòde d'instabilitat politic dins l'Empèri Roman que veguèt 21 emperaires legitims e plusors desenaus usurpators se batre per contraròtlar l'Estat fins a l'aveniment de Dioclecian (→ 284).
235-236 : temptativa d'invasions germanicas lòng dei frontieras de Ren e de Danubi.
238 : dins l'Empèri Roman, assassinat de l'emperaire Maximin. Après un periòde caotic, foguèt remplaçat per Gordian III (→ 244).
241 : decès d'Ardashir Ièr, fondator de l'Empèri Sassanida. Foguèt remplaçat per son fiu Shapur Ièr.
244 : mòrt, dins de circonstàncias desconegudas, de l'emperaire roman Gordian III. Foguèt remplaçat per Felip l'Arabi (→ 248).
248 : acòrdi entre lei Gòts, lei Vandals e lei Sarmats per menar d'incursions regularas còntra lei províncias frontalieras romanas (→ 251 e 271).
248-249 : après d'aumentacions importantas deis impòsts, l'emperaire roman Felip l'Arabi deguèt faciar una tiera de revòutas e plusors generaus se proclamèron emperaire. Foguèt tuat durant una batalha còntra lei tropas dau generau Deci que lo remplacèt coma emperaire (→ 251).
251-253 : mòrt de l'emperaire roman Deci durant un combat còntra una incursion dei Gòts. Sa succession foguèt malaisada amb la mòrt rapida de plusors emperaires (Trebonian Gal, Hostilian, Volusian, Emilian). La situacion s'estabilizèt en 253 amb l'usurpacion dau poder capitada per lo generau Valerian. Aqueu darrier reorganizèt la defensa de l'Empèri que venguèt l'element centrau de sa politica. Per aquò, partejèt lo poder amb son fiu Gallien (→ 260).
260 : batalha d'Edessa entre Romans e Sassanidas. S'acabèt per una victòria dei Sassanidas de Shapur Ièr que capturèron l'emperaire Valerian e de miliers de presoniers. Pasmens, mau capitèron d'esplechar aqueu succès car lei generaus romans dei províncias orientalas capitèron de defendre la frontiera ganhat un combat decisiu en 261. En revènge, aquela disparicion sobda de l'autoritat suprèma entraïnèt lo partiment de l'Empèri Roman entre tres « empèris » dirigits per Postumus a l'oèst, Gallien au centre e Odenat a l'èst.
268 : assassinat de l'emperaire Gallien. Durant son rèine, foguèt incapable de sometre lei rebèls Postumus e Odenat mai capitèt de reorganizar l'armada romana, especialament la cavalariá, per li donar mai de soplesa. Foguèt remplaçat per Claudi II lo Gotic (→ 270).
270 : dins l'Empèri Roman, mòrt de l'emperaire Claudi II lo Gotic tuat per una epidemia. Foguèt remplaçat per lo generau Aurelian.
271 : importanta victòria de l'emperaire roman Aurelian còntra lei Gòts e lei Vandals que deguèron arrestar seis incursions e liurar de cavaliers per lei tropas auxiliaras romanas (→ 248). En cambi, lei Vandals recebèron lo drech de s'installar dins certanei regions de l'Empèri.
272 : mòrt de Shapur Ièr que foguèt remplaçat per son fiu Hormidz Ièr.
275 : abandon de la província de Dàcia per lei Romans en causa de la pression dei pòbles barbars locaus e de l'agotament dei minas d'aur de la region.
275 : assassinat de l'emperaire Aurelian. Après plusors rèines brèus, foguèt remplaçat per Probus.
276-279 : temptativas d'invasions de Gàllia per lei Francs e leis Alamans. Pasmens, lei legions romanas capitèron de resistir.
282 : assassinat de l'emepraire roman Probus per un grop de soudats. Sa mòrt marquèt lo començament d'una guèrra civila marcada per de rèines brèus e de temptativas nombrosas d'usurpacion dau poder (→ 284).
283 : pilhatge de Ctesifont, capitala de la Pèrsia Sassanida, per lei legions romanas d'Orient.
284 : dins l'Empèri Roman, presa dau poder per Dioclecian (→ 285).
285-286 : per estabilizar l'Empèri Roman e melhorar sa defensa, Dioclecian creèt un sistèma novèu amb dos emperaires e dos coemperaires (Tetrarquia). Aquò permetèt de restaurar la patz dins lei províncias e d'arrestar lei guèrras civilas de succession fins au començament dau sègle seguent. Prefigura la division definitiva de l'Empèri decidida pus tard per Constantin.
297-298 : patz de Nisibis entre Romans e Sassanidas.

Decès

Liames intèrnes

Bibliografia

Nòtas e referéncias