Monts de Judèa

Los monts de Judèa que son ua cadena de sèrras calcàrias d'ua altitud mejana de 900 m qui son despartits en tres regions: los monts de Benjamin o de Bet-Èl (la vila centrau deus quaus ei Ramallah), los monts de Jerusalèm e los monts d'Ebron. La temperatura mejana annau qu'ei de 17 °C (mes òm que pòt aver 15 °C de diferéncia enter l'estiu e l'ivèrn). Lo nivèu mejan de ploja qu'ei de 450 mm per an. Situats enter las planas litoraus de la mar Mediterranèa e la vath de Jordan, que's tròban sus ua jaça freatica qui alimenta los arrius qui se'n van de cap a la mar Mediterranèa. Que presentan ua remarcabla diversitat de paisatges e ua grana riquessa d'espècias de flòra e de fauna. De memòria perduda, los estatjants qu'espleitan vinhas suus penents deus monts. Que i a un gran nombre de sits arqueologics e preïstorics suu lor territòri, çò qui'n hè un lòc turistic important. Los monts de Judèa que son uei separats per la «linha verda» de 'cessatz lo huec' de la guèrra de 1948-1949 traçada enter las fòrças israelianas e arabas, tanben aperada «frontèra de 1967» enter Israèl e Cisjordania.

Galeria

• 
  Los monts de Judèa près de Jerusalèm
• 
  Lo bòsc de Jerusalèm vist despuish Yad vaŠem
• 
  Hortalessa deu Parc nacionau haQastel
• 
  Lo Wadi es-Ṣur (vath d'Elah)
• 
  Vista despuish Beit Meir
• 
  Vista de Ḫirbet al-Deir sus la «linha verda»
• 
  Vestigis d'un bastiment ancian près de Nevè Miḥaèl
• 
  Lo vilatge de Ḥalḥul vist despuish lo mont Nabi Yunis, punt culminant o som deus monts de Judèa (e de l'estat de Palestina) (1 030 m)