Gabriel García Márquez : Diferéncia entre lei versions

Un article de Wikipèdia, l'enciclopèdia liura.
Contengut suprimit Contengut apondut
Magioladitis (discussion | contribucions)
m →‎Òbras : Removed deleted template / all info is now in Wikidata, removed: {{Ligam AdQ|hr}} using AWB (10903)
He was not Catholic, he had no religion, see https://caracol.com.co/programa/2014/04/21/6am_hoy_por_hoy/1398053520_186352.html
 
Linha 82 : Linha 82 :
[[Categoria:Laureat del Prèmi Nobel de Literatura|Garcia Marquez, Gabriel]]
[[Categoria:Laureat del Prèmi Nobel de Literatura|Garcia Marquez, Gabriel]]
[[Categoria:Prèmi Nobel colombian|Garcia Marquez, Gabriel]]
[[Categoria:Prèmi Nobel colombian|Garcia Marquez, Gabriel]]
[[Categoria:Escrivan catolic|Garcia Marquez, Gabriel]]

Version actuala en data del 15 decembre de 2019 a 02.17

Laureat Nobel

Gabriel García Márquez
Profession: escrivan
País: Bandièra: ColómbiaColómbia
Data de naissença: 6 de març de 1927
Luòc de naissença: Aracataca, Magdalena


Gabriel José de la Concordia García Márquez, escaissat popularament Gabo o mai Gabito (Aracataca, Colómbia, 6 de març de 1927 - Ciutat de Mexic, 17 d'abril de 2014) foguèt un escrivan colombian. Aqueste autor, dels mai famoses de son país, se faguèt conéuisser mai que mai per son roman Cien Años de Soledad. Son òbra se caracteriza per un estil nomenat realisme magic.

Per la riquesa de sa produccion recebèt lo Prèmi Nobel de Literatura en 1982.

Biografia[modificar | Modificar lo còdi]

Gabriel García Márquez nasquèt en 1927 a Aracataca, una vilòta colombiana del nòrd del país, dins una familha amonedada, enfant de Gabriel Eligio García e Luisa Santiaga Márquez. Anteriorament, quand sos parents venguèron amoroses, lo paire de Luisa, lo coronèl Nicolás Ricardo Márquez Mejía, s'opausèt drasticament a la relacion que sabiá que Gabriel, qu'èra arribat a la vila per i far de telegrafista, èra conservador e femnassièr. Considerava doncas qu'èra pas l'òma mai indicat per sa filha. Pasmens Gabriel multipliquèt las pròvas d'afeccion a tal ponch amb de serenadas de violon, de poèmas d'amor e de mandadisses enòrmes de letras que malgrat que Luisa foguèsse estada mandada defòra de la vila, al cap d'un moment lo militar donèt son acòrdi pel maridatge. Aqueste se celebrèt l'11 de junh de 1926 a Santa Marta. L'istòria e tragicomèdia d'aqueste episòdi inspirèt mai tard lo futur escrivan per escriure lo roman El amor en los tiempos del cólera.

Pauc de temps aprèp sa naissença, son paire se faguèt farmacian e s'anèt installar amb son esposa a Barranquilla. Lo jove nenon foguèt fisat alara als paires de sa maire, sa grand, Doña Tranquilina Iguarán e son marit lo Coronèl Márquez Mejía que l'abaliguèron durant una part granda de son enfància.

La figura de son grand, que lo jove Gabriel escaissava "Papalelo", aguèt una influéncia considerabla sus la formacion politica e culturala del futur escrivan. Lo Coronèl èra estat un liberal veteran de la Guèrra dels Mila Jorns, qu'èra fòrça respectat per sos compatriòtas e conegut per son parlar sens empacha qu'aviá criticat veementament lo Massacre de las bananièras, una repression sanguinosa exercida suls obrièrs en cauma de las companhiás bananièras del país per las fòrças armadas de Colombia.

Òbras[modificar | Modificar lo còdi]

Gabriel García Márquez