Qatar : Diferéncia entre lei versions
Cap resum de modificació Balisas : cambiament per telefonet Modificacion pel web mobil |
|||
Linha 50 : | Linha 50 : | ||
Aqueu territòri assosta de resèrvas fòrça importantas d'[[idrocarbur]]s. Lei pus gròssas son aquelei de [[gas naturau]] que representavan 13,3% dei resèrvas mondialas identificadas en [[2017]]. Lei [[volum]]s de [[petròli]] èran mens impressionants mai constituïssián pasmens 1,5% de l'estòc mondiau. |
Aqueu territòri assosta de resèrvas fòrça importantas d'[[idrocarbur]]s. Lei pus gròssas son aquelei de [[gas naturau]] que representavan 13,3% dei resèrvas mondialas identificadas en [[2017]]. Lei [[volum]]s de [[petròli]] èran mens impressionants mai constituïssián pasmens 1,5% de l'estòc mondiau. |
||
En [[2017]], la populacion èra d'aperaquí 2,3 milions d'abitants. Lei Qataris ne'n fòrman solament una pichona minoritat (10-15%) car la màger part deis estatjants son de trabalhaires estrangiers, principalement originaris de país arabis non [[petròli|petroliers]], de la [[Peninsula Indiana]] e dei [[Filipinas]]. En causa d'aquela proporcion importanta d'estrangiers, l'[[arabi]] ([[lenga oficiala]]) e l'[[anglés]] son lei doas lengas pus parladas dins lo país. Pasmens, s'utilizan pereu lei parlars deis imigrats. |
|||
Au nivèu [[religion|religiós]], l'[[islam]] [[wahhabisme|wahhabista]] es la religion oficiala de la [[monarquia]]. Dins aquò, dempuei leis ans 1990, la quista d'aliats occidentaus dau [[govèrn]] e lei besonhs de man d'òbra estrangiera a limitat la rigor dei precèptes d'aquela doctrina ([[drech]]s dei [[femna]]s lentament aumentats, consumacion d'[[alcòl]] acceptada per leis estrangiers...). Ansin, se lei [[islam|musulmans]] [[sunisme|sunitas]] formavan 77% de la populacion en [[2017]], existián doas minoritats non negligiblas constituïdas d'[[indoïsme|indós]] (9%) e de [[cristianisme|crestians]] (8,5%). |
|||
== Istòria == |
== Istòria == |
Version del 2 setembre de 2019 a 15.52
Devisa nacionala: (cap) | |
capitala populacion (an) |
Doha 339 847 abitants (2004) |
Superfícia | 11 437 km² |
Populacion Densitat |
839 213 (2006) 74 ab/km² |
Govèrn | monarquia |
Emir | Tamim bin Hamad Al Thani |
Primièr ministre | Abdullah bin Nasser bin Khalifa Al Thani |
Independéncia - Jorn |
(del Reialme Unit) 3 de setembre de 1971 |
Moneda | dinar de Qatar |
Ora | UTC+3 |
Còde telefonic | 974 |
Qatar (en arab قطر, Qaṭar) es un país situat dins l'èst de la Peninsula Aràbia. Confronta al sud los Emirats Arabis Units, e a l'òest las aigas territorialas de l'Arabia Saudita e Bahrayn. Sa capitala es Doha.
Geografia
Qatar ocupa una pichona peninsula (11 586 km2) situada dins lo Golf Persic a l'èst de l'Arabia Saudita. Fòrça plana amb una altitud inferiora a 100 m, es una region desertica cauda. D'estiu, la temperatura i aganta generalament de valors compresas entre 40 °C e 50 °C. Lei precipitacions son raras (75 mm anuaus).
Aqueu territòri assosta de resèrvas fòrça importantas d'idrocarburs. Lei pus gròssas son aquelei de gas naturau que representavan 13,3% dei resèrvas mondialas identificadas en 2017. Lei volums de petròli èran mens impressionants mai constituïssián pasmens 1,5% de l'estòc mondiau.
En 2017, la populacion èra d'aperaquí 2,3 milions d'abitants. Lei Qataris ne'n fòrman solament una pichona minoritat (10-15%) car la màger part deis estatjants son de trabalhaires estrangiers, principalement originaris de país arabis non petroliers, de la Peninsula Indiana e dei Filipinas. En causa d'aquela proporcion importanta d'estrangiers, l'arabi (lenga oficiala) e l'anglés son lei doas lengas pus parladas dins lo país. Pasmens, s'utilizan pereu lei parlars deis imigrats.
Au nivèu religiós, l'islam wahhabista es la religion oficiala de la monarquia. Dins aquò, dempuei leis ans 1990, la quista d'aliats occidentaus dau govèrn e lei besonhs de man d'òbra estrangiera a limitat la rigor dei precèptes d'aquela doctrina (drechs dei femnas lentament aumentats, consumacion d'alcòl acceptada per leis estrangiers...). Ansin, se lei musulmans sunitas formavan 77% de la populacion en 2017, existián doas minoritats non negligiblas constituïdas d'indós (9%) e de crestians (8,5%).
Istòria
Poblada per de tribús aràbias dempuei l'Antiquitat, la peninsula qatariana foguèt vassalizada per l'Empèri Otoman durant lo sègle XVII. Pasmens, lo declin de la poissança turca permetèt ai Britanics de desvolopar son influéncia dins la region au sègle XIX. A partir de 1820, impausèron una tiera de tractats que permetèron de renfòrçar lo poder de la dinastia deis Al Thani e placèron a cha pauc la peninsula sota lo protectorat de Londres.
L'esplecha dei jaciments de petròli acomencèt en 1949 e permetèt lo desvolopament economic dau país dins lo corrent deis ans 1960. En 1971, lei Britanics se retirèron e Qatar venguèt oficialament independent. Passèt pasmens rapidament sota la proteccion de Washington. En 1974, lo govèrn prenguèt possession dei companhiás petrolieras presentas sus lo territòri. Aquò li permetèt d'obtenir de ressorsas financieras fòrça importantas.
Coma leis autrei monarquias petrolieras d'Orient Mejan, Qatar desvolopa una politica estrangiera autonòma dempuei leis ans 1980 en cèrca de sostèns poderós per se protegir còntra leis ambicions de sei vesins. En fòra deis Estats Units d'America, lo país se raprochèt donc dei poissanças occidentalas (França, Reiaume Unit... etc.) e assaièt de normalizar sei relacions amb leis autreis estats arabis. En particular, capitèt de reglar un desacòrdi frontalier amb Bahrayn en 2001. Qatar es tanben vengut un sostèn important dei movements islamistas coma lei Fraires Musulmans. Ansin, participèt au reversament dau regime libian de Gaddafi ò sostèn una partida de l'oposicion armada a Bashar al-Assad en Siria. Pasmens, aqueu sostèn acomença de suscitar de criticas de part de seis aliats occidentaus en guèrra còntra d'insureccions islamicas.
En parallèl, la societat qatariana evoluciona gaire. D'efiech, se per contentar seis aliats occidentaus, lo govèrn s'engatja dins d'experiéncias de democratizacion limitada, aquò modifica pas la natura absoluda de la monarquia. Ansin, en despiech dau sostèn qatarian a plusors movements liats a la Prima Aràbia, lei manifestants demandant de reformas intèrnas son l'objècte de campanhas de repression.
Economia
Cultura
Liames intèrnes
Bibliografia
Nòtas e referéncias