Stephen Hawking : Diferéncia entre lei versions
Cap resum de modificació |
Cap resum de modificació |
||
Linha 12 : | Linha 12 : | ||
{{DEFAULTSORT:Hawking, Stephen}} |
{{DEFAULTSORT:Hawking, Stephen}} |
||
[[Categoria:Fisician |
[[Categoria:Fisician britanic]] |
||
[[Categoria:Recipiendari de la Medalha Copley]] |
[[Categoria:Recipiendari de la Medalha Copley]] |
Version del 14 març de 2018 a 15.41
Stephen William Hawking (Oxford, 8 de genièr de 1942 — Cambridge, 14 de març de 2018) foguèt un fisician teorician, cosmològ e divulgador scientific anglés. Sas realizacions mai importantas son estadas de desvolopar, amb Roger Penrose, de teorèmas per çò qu'es de las singularitats espaciotemporalas dins l'encastre de la relativitat generala, e la prediccion teorica que los traucs negres devián emetre de radiacions, fach qu'es designat actualament jol nom de radiacion de Hawking (o de còps que i a radiacion Bekenstein-Hawking).
Hawking foguèt membre de la Societat Reiala de Londras, de l'Académia Pontifícia de las Sciéncias e mai de l'Académia Nacionala de Sciéncias dels Estats Units. Foguèt titular de la Cadièra Lucasiana de Matematicas (originalament en anglés: Lucasian Chair of Mathematics) de l'Universitat de Cambridge dempuèi 1979 fins que se retirèt en 2009.
Demest las nombrosas distincions que li foguèron autrejadas, Hawking a recebut dotze doctorats honoris causa e es estat guerdonat de l'Òrdre de l'Empèri Britanic (al gra CBE) en 1982. Recebèt lo Prèmi Princi d'Astúrias de la Concòrdia en 1989, la Medalha Copley en 2006 e la Medalha de la Libertat en 2009.
Hawking sofriguèt dempuèi d'ans d'una malautiá motoneuronala (ligada a l'escleròsi laterala amiotrofica (ELA) que quitèt pas de agreujar sa condicion fisica long dels ans. Aital foguèt victima d'una paralisi gaireben totala que l'obliga a comunicar gràcias a un generador de votz.