Linfocit B

Fotografia d'un limfocit B.

Lei limfocits B son un grop de cellulas dau sistèma immunitari. Son la basa dau sistèma immunitari especific umorau. D'efèct, un limfocit B donat es especializat dins la lucha còntra un antigèn unic. Dins lo cas d'una infeccion de l'organisme per un antigèn, lei limfocits B especifics d'aquel antigèn pòdon èsser activats. Aquò entraïna sa multiplicacion fòrça rapida per proliferacion cellulara e sa diferenciacion en :

• plasmocits que son de cellulas capablas de produrre de quantitas gròssas d'anticòrs. Puei, aqueleis anticòrs van se se fixar sus son antigèn especific per lo neutralizar e per facilitar sa fagocitosi.
• limfocit B de memòria que son cellulas amb una durada de vida lònga. Aquò permet a l'organisme de gardar una remembrança de l'antigèn. Dins lo cas d'un rescòntre novèu, entraïna una reaccion immunitària fòrça rapida que permet de redurre pus rapidament l'infeccion a l'origina de l'intrada de l'antigèn dins l'organisme.

Liames intèrnes

• Sistèma immunitari.
• Limfocit.
• Limfocit T.