1755 : Diferéncia entre lei versions
Linha 15 : | Linha 15 : | ||
=== Euròpa === |
=== Euròpa === |
||
==== [[Corsega]] ==== |
|||
Perseguida de l'insureccion còntra la [[Republica de Gènoa]]. Pasmens, lo movement prenguèt un aspèct novèu ambé la proclamacion de l'[[independéncia]] de l'illa per lo generau [[Pasquale Paoli|Paoli]]. D'institucions modèrnas foguèron rapidament creadas ambé la redaccion d'una [[constitucion]] ò la fondacion d'una [[universitat]] (a l'origina de l'[[Universitat de Corsega]] actuala). |
|||
==== [[Portugal]] ==== |
==== [[Portugal]] ==== |
Version del 4 març de 2015 a 16.48
1755
| |
---|---|
Ans : 1752 1753 1754 1755 1756 1757 1758 Decennis : Cronologia mesadièra : Cronologias tematicas : Autres calendièrs : |
Aquesta pagina concernís l'an 1755 del calendièr gregorian.
Eveniments
Occitània
França
Euròpa
Corsega
Perseguida de l'insureccion còntra la Republica de Gènoa. Pasmens, lo movement prenguèt un aspèct novèu ambé la proclamacion de l'independéncia de l'illa per lo generau Paoli. D'institucions modèrnas foguèron rapidament creadas ambé la redaccion d'una constitucion ò la fondacion d'una universitat (a l'origina de l'Universitat de Corsega actuala).
Portugal
Lo 1èr de novembre, se debanèt un tèrratrem poderós (magnitud entre 8,5 e 9) en Lisbona qu'entraïnèt un tsunami e d'incendis. Aquò entraïnèt la destruccion de la quasi-totalitat de la capitala e un nombre de victimas estimat entre 50 000 e 70 000. Lo rèi e son govèrn qu'èran pas en vila subrevisquèron e Sebastião José de Carvalho e Melo organizèt rapidament lei secors (avitalhament, enterrament dei mòrts, mobilizacion de l'armada per defugir lei pilhatges). Lo rèi e son ministre decidèron tanben de reünir una còla d'engenhaires e d'arquitèctes per rebastir la vila d'un biais modèrne.
Africa
Etiopia
Mòrt de malautiá dau negus Iyasu II (1730-1755). Son rèine veguèt lo declin accelerat de l'autoritat reiala en fòra de la region de Gondar. D'efècte, en 1755, Begemder e Gojdam èran de vassaus fòrça autonòms, Choa e Lasta èran de vassaus nominaus totalament autonòms e Tigre èra de facto un estat independent ambé la sieuna diplomacia. Son fiu Iyoas Ièr li succediguèt. Un conflicte acomencèt rapidament entre leis emperatritz Mentewab, frema dau negus Bekaffa (1721-1730), que teniá un ròtle primordiau dins lo govèrn dempuei 1730 e Welete Bersabe, frema d'Iyasu II que revendicava la regéncia segon lei tradicions etiopianas. Lei doas emperatritz mobilizèron d'armadas importantas a l'entorn de Gondar mai, per defugir una guèrra civila, Mentewab demandèt finalament l'arbitratge dau ras de Tigre Mikael Sehul. Lo ras prenguèt lo contraròtle de la capitala e veguèt son ròtle se renfòrçar gràcias au sostèn de Mentewab.
Arts
Sciéncias e tecnicas
Geologia
Après la destruccion de Lisbona per un tèrratrem, lo ministre portugués Sebastião José de Carvalho e Melo decidèt d'organizar una enquista sus lei causas e leis efècts dau fenomèn. Aquò es considerat coma l'acte de naissença de la sismologia.
Matematicas
Premiera publicacion d'una teoria generala dau calcul de variacion escricha per lo matematician alemand Leonhard Euler dins son obratge intitulat Institutiones calculi differentialis (en occitan Tractat de calcul diferenciau).