Bandièra de Guatemala

La bandièra de Guatemala es formada per tres bandas verticalas, blau cel als extrèms e blanca al centre. Lo blau simboliza l'ocean Pacífic e l'ocean Atlàntic, que bordejan los dos costats del país, mentre que lo blanc simboliza la puretat de las valors del país.

Aquesta disposicion repren la de la bandièra de l'Union de l'America Centrala, e mai qu'aquela a de bandas oritzontalas.

Al centre i a una corona de fuèlhas d'olivièr qu'enrodan dos fuselhs e doas espasas crosadas. Per dessus i a un pergamin amb l'inscripció Libertad 15 de septiembre de 1821, amb un quetzal dejos. L'aucèl simboliza la libertat amb la data de l'independència de l'America Centrala. Los fuselhs e les espasas son la volontat de defendre lo país si es necessari, mentre que las brancas d'olivièr son simbol de patz.