Saxons de Transilvània : Diferéncia entre lei versions
Cap resum de modificació |
m Nil Blau a deplaçat la pagina Saxons de Transilvania cap a Saxons de Transilvània : correccions |
(Pas cap de diferéncia)
| |
Version del 26 junh de 2013 a 17.09
Los Saxons de Transilvania representan una minoritat de Romania vièlha de mai de 880 ans e que joguèt un ròtle plan important dins l'istòria de Transilvania. Es a l'ora d'ara una minoritat en dangièr de disparicion a causa de l'emigracion cap a Alemanha.
Origina del nom
La majoritat dels immigrants èran pas originaris de Saxònia mas subretot de Renania e de Mosèla. Al sègle 12, èran conguts jols noms latins de Flandrenses, Saxones e Theutonici. Lo nom de Saxons foguèt donat de preferéncia pels Ongreses a causa de la cancelariá ongresa que i aviá de nombroses Saxons.
Istòria
Arribada dels Saxons
Es vèrs 1143 que los primièrs Alemands arribèron dins çò que nomèron la Provincia d'Hermannstadt (comtat de Cibin) ( en alemand : Altland ; en romanés : țara sașilor ; en magyar: Szászföld).
Venguèron invitats per Geza II que voliá non solament aparar las termièras de son reiaume mas tanben beneficiar de las competéncias dels menestrals alemands, ja plan reputats a aquela epòca.
Dins lo meteis temps, Geza II installèt los Sicules dins la partida orientala de Transilvania. Los Sicules parlan pas alemand mas una varietat d'ongrés. Lor origina es encara uèi controversada: se sap pas se los Sicules son de populacions magyarizadas o d'Ongreses. Per mai d'informacions consultar: Sicules.
Los colons de la primièra ondada venguèron mai que mai de las provincias de Mosèla e de Luxemborg. Èran pas brica de Saxònia mas lo nom de Saxons lor foguèt donat pels Ongreses. Los Romaneses utilizan tanben lo mot saş (adaptacion fonetica en romanés del mot saxon).
La segonda ondada data del sègle XIII amb l'arribada de colons venguts de Renania, Olanda, Mosèla, Bavièra, Turíngia, e mai de França.
Expansion
En 1211, Andrieu II d'Ongria invitèt tanben los Cavalièrs teutonics per aparar las termièras orientalas de son reiaume contra los Comans.
Ajudèron l'expansion de la colonizacion saxona amb l'annexion del país de Bârsa (Burzenland en alemand) e la fortificacion de Braşov, ciutat que beneficia d'una situacion geografica clau.
Pasmens, la violéncia e la cobesença de l'òrdre teutonic faguèt páur al rei Andriéu II qu'acabèt per los remandar en 1225. De mai, començavan d'èsser de mal contrarotlar pr'amor que se desolidarizavan de mai en mai del rei d'Ongria en metent sos territòris jos l'autoritat del papa. Partiguèron per Prússia en 1226. De consultar tanben: cavalièrs teutonics.