La Mal Coiffée

Lo grop occitan La Mal Coiffée en julh de 2010 a la Fèsta d'Òc a Besièrs

La Mal Coiffée (valent a dire en occitan La Mal Penchenada) es un grop musical lengadocian, basat dins Aude e dins Erau.

Composicion

Aqueste grop vocal es compausat de sièis femnas del país de las Corbièras (Myriam Boisserie, Hélène Arnaud, Marie Coumes, Laeticia Dutech, Hélène Albisetti e Karine Berny). Lor repertòri, fargat a partir de, coma o dison elas, "cançons lengadocianas de las vinhas e dels bistròts", es en lenga occitana. Lo sextèt canta de tèxtes occitans tradicionals en lor portar una tòca personala amb l'ajuda de Laurent Cavaillé (La Fabrique), e amb per sol acompanhament de percussions.

Lo grop s'es produch dins de festenals nombroses de l'estat francés (Jeudis de Perpinhan, Festenal Occitània de Tolosa, rencontres de Cants Polifonics de Calvi, Babel Med Music a Marselha, Voix d'été en Cròsa, ...) e sus mai d'un empont (Le Nouveau pavillon de Bouguenais, ...). Tanben an fach una virada en Mongolia en agost de 2008 amb l'associacion dels "Champs de l'homme".

Son passadas sur France 2 dins l'emission Tenue de soirée, en dirècte de Montpelhièr, lo 27 d'octobre de 2007 e faguèron un concèrt durant l'estiu de 2010 dins l'encastre de l'Estivada de Rodés.

Discografia

• Polyphonies occitanes (2007)
• A l'agacha (2009)
• Òu ! Los òmes ! (2011)

• Portal de la musica
• Portal d'Occitània