Quirinus Ignatius Maria Mok : Diferéncia entre lei versions

Un article de Wikipèdia, l'enciclopèdia liura.
Contengut suprimit Contengut apondut
Vivian13 (discussion | contribucions)
Cap resum de modificació
Addbot (discussion | contribucions)
m Bot: Migrating 2 interwiki links, now provided by Wikidata on d:q765393 (translate me)
Linha 20 : Linha 20 :
[[Categoria:Naissença en 1925|Quirinus Ignatius Maria Mok]]
[[Categoria:Naissença en 1925|Quirinus Ignatius Maria Mok]]
[[Categoria:Decès en 2005|Quirinus Ignatius Maria Mok]]
[[Categoria:Decès en 2005|Quirinus Ignatius Maria Mok]]

[[nl:Kees Mok]]
[[pl:Quirinus Ignatius Maria Mok]]

Version del 8 març de 2013 a 02.42

Quirinus Ignatius Maria Mok, dich Kees Mok (Amsterdam, Païses Basses, 30 de julhet de 1925- Lèida, Païses Basses, 12 d'agost de 2005), foguèt un lingüista neerlandés, especialista de la literatura occitana.

Biografia

Nascut lo 30 de julhet de 1925 a Amsterdam, Kees Mok i fa sos estudis superiors de francés que perseguís a la Sorbona (París). Ensenhant a l'Universitat d'Amsterdam tre 1955, es nomenat mèstre de conferéncias en 1968, annada de la publicacion de sa tèsi consacrada a l'estudi de las categorias morfologicas del genre e del nombre dins lo francés parlat de l'ora d'ara. De 1971 a 1988 ten la cadièra de lingüistica romanica a l'Universitat de Lèida.

Kees Mok aprofiècha dempuèi 1955 sos sejorns regulars en Peiregòrd, Lengadòc e Provença per aprigondir sa coneissença dirècta de l'occitan contemporanèu. Perlonga aital sos trabalhs sus la lenga d'òc medievala (Manuel pratique de morphologie de l'ancien occitan, 1977) per de nombrosas enquistas de terren e consacra mai d'un article a cèrts aspèctes gramaticals dels escriches de Jansemin, Anfós Daudet, Joan Bodon, Max Roqueta e Bernat Manciet. Nomenat en 1978 Cavalièr de la Legion d'Onor per son accion en favor del manten dels estudis franceses als Païses Basses, Kees Mok foguèt en 1981 cofondator e administrator, puèi secretari general (1984-1990), enfin president (1990-1993) de l'Associacion Internacionala d'Estudis Occitans (AIEO).

Moriguèt lo 12 d'agost de 2005 a Lèida (Païses Basses).

Òbras

  • Contribution à l'étude des catégories morphologiques du genre et du nombre dans le français parlé actuel (Mouton, 1968).
  • De actualiteit van de grammaire van Port Royal (1971)
  • Manuel pratique de morphologie d'ancien occitan (Couthino, 1977).
  • Aspects de la construction des phrases chez Joan Bodon (CESCM, 1991).