Aubrac

Fichièr:IMG 1631.JPG

Aubrac prèp de Nasbinal

Aubrac es un platèu d'origina volcanica del massís central.Es despartit entre Gavaudan, Roergue e Auvèrnha e Losera, Avairon e Cantal.

Delimitacion

Se Aubrac es plan tipat tan culturalament coma pels paisatges a pas cap d'unitat istorica. Foguèt totjorn despartit entre Auvèrnha (per una pichòta part), Roergue e Gavaudan als quals succedèron Cantal, Avairon e Losera. Lo punt d'encontra dels tres païses es la Crotz dels tres avesques.

L'Aubrac "pregond" es lo del naut platèu erbós, deboscat a l'edat mejana ont se tròban las estivas e qualques vilatges coma Nasbinal. Mas a l'oèst coma a l'èst los cantons granitics e mai boscarrut de Laguiòla o Aumont d'Aubrac son tanben considerat coma part d'Aubrac e fan transicion amb la Viadèna e Marjarida.

Al sud lo platèu davala plan bruscament cap a la val d'Òlt.

Geografia e geologia

L'altitud mejana es compresa entre 1000 m e 1400 m, e los punts culminants ne son los Trucs d'Aubrac (1440 m) e lo Senhal de Malhe Biau (1469 m). Lo clima es un clima montanhòl rude amb temperaturas fredas e fòrça nevadas e ventadas l'ivèrn.

Idrologia

Aubrac mena sas aigas pas que al bacin de Garona que siá per Òlt (los rius del Sud e Sud-oèst del replanat) o per Trueire (oèst, èst, centre e nòrd del replanat). Lo riu màger que a la font sus Aubrac es Bès, orientat sud-nòrd e qu'amassa las aigas del replanat central.

Aubrac es conegut per sos lacs e laquets d'origina glacària (Lac de Sant Andeòl, Lac de Bòrn, Las de Salhens, Lac de Sovairòl).

Luòcs d'Aubrac

crotz dels tres avesques

• 
  Vista del platèu costat avaironés
• 
  Vista d'un buron
• 
  Lo vilatge d'Aubrac e los trucs
• 
  Vista anivolada d'un buron .