Espeluga d'Ekain

Patrimòni Mondial de l'UNESCO

Associacion d'animaus dens lo gran panèu de l'Espeluga d'Ekain segon lo paradigma de Leroi-Gourhan

L'espeluga pintrada paleolitica d'Ekain que guarda un deus ensems picturaus mei importants de la Preïstòria europèa. Que's tròba dens la comuna de Deba, au ras de la vila de Zestoa, en Guipuscoa, au Bascoat. Qu'estó descobèrta en junh de 1969 per Rafael Rezabal e Andoni Albizuri, membres d'«Antxieta», grop de cultura de la vila d'Azpeitia.

Las pintruras, datadas au Magdalenian deu Paleolitic Superior, que son d'ua qualitat excepcionau, dab aqueras de Las Caus, Niaus e Altamira.

Qu'apartien dempuish julhet de 2008 au Patrimòni Mondiau de l'Umanitat, en associacion dab d'autes jaciments ed espelugas pintradas, devath lo nom d'«Espeluga d'Altamira e Art Rupèstre Paleolitic deu Nòrd d'Espanha».

Lo gran panèu (replica)

Be manjavan çò qui pintravan ?

La recèrca integrau deus jaciments qu'a demostrat que l'objècte medish de l'art n'estó pas la caça, ja que n'existeish pas nada relacion dirècta enter la fauna representada e las rèstas trobadas dens los lòcs on estatjavan. Dens bèra espeluga, com Ekain, los cavaths que son lo tèma mei frequent de las soas pintruras mes la craba qu'èra l'espècia mei caçada..

Cavaths (replica)

Fauna	Representada dens l'Espeluga d'Ekain	Caçada au Magdalenian Superior de l'Espeluga d'Ekain
Cavath	60% ±	0,5% ±
Bisont e ur	20% ±	1% ±
Craba	10% ±	65% ±
Cèrvi	5% ±	4% ±
Ors brun	5% ±	∅
Rinocèros	5% ±	0,5% ±
Peish	5% ±	∅
Ors de las cavèrnas	∅	0'5% ±
Rangièr	∅	2% ±
Sarri	∅	4% ±
Cabiròu	∅	1% ±

Ligams extèrnes

• Lo site d'Ekainberri (replica de l'Espeluga d'Ekain)
• Visita virtuau de l'Espeluga d'Ekain