Intelligéncia

L'Intelligéncia es una capacitat de l'esperit que comprén maites abilitats mentalas ligadas, coma per exemple las capacitats de rasonar, de far de plans, lo fach de resòlvre de problèmas, de pensar d'un biais abstracte, de comprendre las idèas e lo lengatge e tanben d'aprendre.

A mai se fòrça gents consideran que lo concepte d'intelligéncia a una extension plan mai ampla, per exemple dins la sciéncia cognitiva e en informatica, dins cèrtas escòlas de psicologia, l'estudi de l'intelligéncia considera generalament aquesta aptitud coma diferenta de la creativitat, la personalitat, l'estructura del caractèr, o la saviesa. L'intelligéncia, es sovent mesurada amb de tèsts de Quocient Intellectual (o sonat mai frequentament QI) a mai d'autres tèsts d'aptitud. Aqueles tèsts son cada còp mai emplegats dins la vida escolara, professionala e tanben militara que se pensa qu'es un biais eficaç de determinar e/o predire lo comportament. Stephen Jay Gould foguèt un critic popular important popular de la teoria d'intelligéncia. Publiquèt un libre The Mismeasure of Man (La desmesura de l'Òme), que i faguèt las remarcas seguentas a prepaus de l'intelligéncia:

• L'intelligéncia se pòt pas mesurar.
• L'intelligéncia es pas innada.
• L'intelligéncia es sonque parcialament eiretabla e çò eiretas es mutadís.
• L'intelligéncia se pòt pas capturar dins un nombre unic.