Islàndia : Diferéncia entre lei versions
m r2.7.3) (Robot : modification de gu:આઇસલૅન્ડ à gu:આઈસલેંડ |
m Robòt Apondre: bxr:Исланд |
||
Linha 132 : | Linha 132 : | ||
[[br:Island]] |
[[br:Island]] |
||
[[bs:Island]] |
[[bs:Island]] |
||
[[bxr:Исланд]] |
|||
[[ca:Islàndia]] |
[[ca:Islàndia]] |
||
[[ce:Исланди]] |
[[ce:Исланди]] |
Version del 19 genièr de 2013 a 18.57
Islàndia | |
Lýðveldið Ísland (is) | |
Imne: Lofsöngur | |
Administracion | |
---|---|
Capitala | Reykjavík |
Forma de l'Estat | Republica |
President Primièr ministre | Ólafur Ragnar Grímsson Jóhanna Sigurðardóttir |
Lengas oficialas | islandés |
Geografia | |
Vila principala | Kópavogur Hafnarfjörður |
• Totala | 103 125 km² |
Punt culminant | Hvannadalshnúkur |
Demografia | |
• Totala | 319756 ab. (2008) |
• Densitat | 3,1 ab./km² |
Istòria | |
(de Danemarc) | 17 de junh de 1944 |
Autras informacions | |
Indicatiu telefonic | 354 |
Fus orari | +0 |
Domeni internet | .is |
Islàndia (en islandés Ísland) es una illa e tanben un estat del nòrd d'Euròpa e del nòrd de l'ocean Atlantic, entre Groenlàndia, Norvègia, Escòcia, Irlanda e las illas Feròe.
La capitala es Reykjavík.
Lo gentilici es islandés -esa.
Istòria
Islàndia foguèt colonizada lo primièr còp per d'immigrants vikings norvegians e qualques cèltas (escoceses e irlandeses) a la fin del sègle IX e durant lo sègle X. Los primièrs establiments umans durables arribèron dins l'illa en 874.
Islàndia foguèt independenta durant mai de tres sègles, e foguèt après governada per Norvègia e Danemarc, formalament coma una colònia de la corona norvegiana fins a 1814, an de la separacion dels reialmes units de Danemarc e Norvègia pel Tractat de Kiel. En aquel an Islàndia venguèt una dependéncia danesa.
L'erupcion del volcan Askja en 1875 devastèt l'economia islandesa e causèt una famina generala. En un quart de sègle, 20% de la populacion emigrèt, principalament en America del Nòrd (Estats Units e Canadà). Lo govèrn danés li autregèt un gra limitat d'autonomia en 1874, e una independéncia e sobeiranetat suls afars intèrnes similars a las d'un protectorat en 1918. Las relacions exterioras e la defensa contunhèron d'èsser jos l'autoritat de Danemarc que son rei contunhèt d'èsser lo sobeiran d'Islàndia fins a 1944, an en que se fondèt l'actuala Republica d'Islàndia qu'aprofiechèt las circonstàncias de la Segonda Guèrra Mondiala per proclamar la siá independéncia.
Politica
Islandia es una republica parlamentària. Lo cap d'Estat es lo president, elegit per la populacion per un periòde de quatre ans.
Lo Parlament unicameral (Alþingi) a 63 membres, elegits tanben per un periòde de quatre ans. Lo Parlament islandés es lo pus ancian en activitat del mond, e foguèt establit en 930 coma una assemblada.
Lo país se dividís en 23 comtats e 14 vilas autonòmas.
Geografia
Islàndia es la dètz-e-ueitena illa del mond per la superficia, situada tot just jol Cercle polar artic, entre Groenlàndia, las Illas Britanicas e Escandinàvia, al nòrd-oèst de las Illas Feròe. Localizada sus la dorsala atlantica, al punt de contacte entre las placas euroasiatica e nòrd-americana, l'illa coneis una activitat geologica importanta, caracterizada pels volcans e gueisèrs.
Islàndia se pòt devesir en doas parts: la còsta amb de fjòrds nombroses, e l'interior, un grand desèrt inabitat amb lièchs de lava, montanhas e glacièrs (qu'ocupan fins a 10% del país). La màger part de la populacion viu al sud-oèst del país, dins l'airal metropolitan de Reykjavík. Una rota fa lo torn de tota l'illa, mas l'interior del país sonque pòt èsser traversat en veïcul tot-terren.
- Pic mai naut: Hvannadalshnúkur (2110 m)
- Riu mai long: Thjórsá (237 km)
- Lac mai grand: Thingvallavatn
Economia
De veire: Economia d'Islàndia.
L'economia d'Islàndia es basicament capitalista, mas amb una ampla assisténcia sociala, bas caumatge e una extraordinària eqüitat en la distribucion dels revenguts. En l'abséncia de ressorsas naturalas (alevat l'abondanta energia idrotermica e geotermica), l'economia depend principalament de l'industria de pesca, que representa 70% dels ganhs d'exportacion e emplega 12% de la fòrça de trabalh.
Cultura
Las mòstras pus ancianas conegudas de la cultura islandesa son de talhas en fusta que representan de motius de las legendas Vikings, esculturas de tèmas crestians e qualques manuscrits. Durant los sègles XVI e XVIII crubèt granda importància l'art popular, que s'enriquiguèt amb l'elaboracion de pèças d'orfebrariá, la confeccion de telas e la realizacion de grauats. Al sègle XIX s'experimentèt una renaissença artistica amb la penetracion dels corrents venguts d'Euròpa. I aguèt un desvolopament de la pintura de païsatges, representada per Ásgrímur Jónsson (1876-1958) e Jóhannes Kjarval (1885-1972), e de l'escultura, amb Ásmundur Sveinsson e Einar Jónsson, l'artista pus significatiu e genial de l'istòria modèrna d'Islàndia.
Al sègle XX s'introdusiguèron los corrents de l'abstraccionisme, lo surrealisme, etc.
En musica, las primièras referéncias datan de l'an 1000, après l'implantacion del cristianisme. L'anciana Edda èra èra popularament recitada. Los prèires catolics introdusiguèron l'interpretacion artistica dels cants eclesiastics, e après 1550 se practiquèt lo cant coral protestant.
Bibliografia
Vejatz tanben
Ligams extèrnes
Nòtas e referéncias
<references>