Ròms

Drapèu deu Pòble Romani

Violonaira ròm

Django Reinhardt, un deus màgers guitarristas ròms

Deportacion de cap aus camps d'exterminacion durant l'ocupacion alamena d'Euròpa

Lei Santas

Los Ròms o Pòble Romani, segon lo lor endonim, tanben designats peus exonims de Gitanos, Tziganes, Gipsis (vienguts de l'anciana denominacion erronèa d'Egipcians) Manoish, Boèmis, que son un pòble generaument e a l'origina nomada (quitament se mantuns membres d'aquesta comunautat be son vaduts sedentaris) e qui parla divèrsas versions dialectalas d'ua lenga - lo romaní - originària deu nòrd deu jus-continent indian.

Que's cred que quitèn l'Índia a l'Etat Mejana après l'invasion e la repression musulmana.

Que son portadors d'ua cultura universaument famosa mei que mei per las soas musicas ricas deus percors geografics d'aqueth pòble e de la soa coexisténcia desempuish l'Etat Mejana dab mantuns autes pòbles.

Au cors de la los coexisténcias los Ròm qu'enriquín divèrsas culturas autoctònas au punt d'estar pregondament associats dab lo folclòre idealizat peu romantisme de las loas navèras regions (aquò qu'ei, per exemple, lo cas dab lo flamenco e dab las danças sevilhanas en Andalosia e dab la musica d'Euròpa Orientau, çò qui való aus Ròms lo nom de Boèmis - de Boèmia - ). En Occitània que contribuín de segur tanben a enriquir la cultura e mei que mei la musica (com los Manoish de Bearn e las comunautats gitanas de las regions pròchas d'Espanha e de Catalonha) e Lei Santas e Provença son un lòc màger de romiatge deus Ròms.

Com per d'autes grops exogènes, que hon sovent mespresats e l'objècte de mes.hidança qui anèn dinc a acusacions de panatòri, expulsions e exterminacion massiva dehens l'encastre deu genocidi (aperat Porajmos dens l'istòria ròm) dens los camps de concentracion nazis perpetrat per Alemanha e los sons partisans d'extrèma dreta dens los país ocupats durant la Segonda Guèrra Mondiau.

A despart d'Euròpa e de l'Asia occidentau, los Ròms qu'emigrèn tanben de cap a l'America (Estats Units d'America, Brasil e Argentina mei que mei).

Personalitats ròms

Musicians

• Django Reinhardt
• Grigoraş Dinicu

Ligam intèrne

• Lăutari : musicians tradicionaus ròms de Romania.
• Flamenco
• Lei Santas
• Porajmos