Aurinhacian

Er Aurinhacian siguec era fasa culturau que remplacèc ath Perigordian, cambi perceptible a compdar deth 20.000 aC apuprètz. Se cre que siguec un vidant culturau que venguec de dehòra, mès non se sap d'a on. Se caracterize per raspadors espessi, a viatges talhadi en petiti blòcs de sílex, e per huelhes retocades en ua o dus bròqui, fòrça viatges damb raspadors ath bròc. Despareishen es pèces de dors rebaishat; es burís son de disparièra mesura damb punta febla. Eth utillatge ossós ei mès abondiu: puntes, punshons, eca... Ara sua fasa finau se desvolòpen es burís a viatges arquejats e despareishen es huelhes retocades. Es puntes ossoses de dard passen a èster de seccion arrodonida, e dempús de base bisellada. Apareish eth grauat e se multiplique rapidament. S'estenec per França, Belgica, Catalonha, era region Cantabrica e Anglatèrra.