Auvesera

Auvesera
Caracteristicas
Longor	112 km
Bacin	?
Bacin collector	Dordonha
Debit mejan	8,52 m3⋅s-1 (Lo Chamge)
Riu
S'escampa dins	Eila
Geografia
Païses traversats	França

Auvesera [ɔwve'ʐɛrɒ] (en francés Auvézère) es una ribiera occitana dau sud-oest de França (regions Lemosin e Aquitània).

Etimologia

Auvesera a per origina la rasiga preceltica idronimica °Vis- (que donet tanben Vesera), lo prefixe °Al- e lo sufixe prelatin °-era. Trobam entau Alvesera (1185) e Auvezera (1458).

Geografia

La font d'Auvesera se tròba au sud de Sent German las Belas dins lo departament de Vinhana Nauta, a 480 metres d'altituda. La ribiera entra tanleu en Corresa, puei se junh a-d'Eila en Bassilhac (Dordonha), apres un cors de 112 km. Sus la comuna de Cubzac, una partida de l'aigas d'Auvesera disparéis dins l'abisme dau Moulin des Soucis per junher Eila rasís Sent Vincenç d'Eila.

Departaments e localitats asaigadas

• Vinhana Nauta : Sent German las Belas
• Corresa : Lubersac , Segur lo Chasteu
• Dordonha : Paisac de La Noalha, Savinhac l'Edrier, Janiç, Tortoirac, Cubzac, Lo Chamge, Bassilhac.

Idrologia

• Lo debit mejan d'Auvesera es de 8,5 m³ per segonda. Lo 11 de genier de 1996, l'estacion idrologica dau Chamge enregistret un debit maximau jornalier de 158 m³ per segonda.

Afluents principaus

• Penchenariá (rm)
• Bochosa (rd)
• Dalon (rg)
• Lorda (rm)
• Blasme (rm)

N.B. : (rd) = afluent riba drecha ; (rm) = afluent riba mança

Luòcs remirables

• Las Gòrjas d'Auvesera, devers Sent Maimin e Janiç
• L'anciana abadiá de Tortoirac
• Lo Saut dau Blasme, en la Farja d'Ans