Joan Baptista Còia

Edicion de 1743

Joan Baptista Còia (en francés Jean-Baptiste Coye ; Moriés, lo 6 de junh de 1711 - lo 17 de febrier de 1771) foguèt un escrivan provençau de lenga occitana.

Es mençonat dins l'antologia provençala d'Achard : Lo Boquet provençau.

Es l'autor de la comèdia Lo Nòvi parat (1743) que coneguèt un «lòng succès» segon Robèrt Lafont e d'un poèma titolat Le Délire.

Vida

Lei edicions d'Achard e de Mesnier balhan quauqueis indicacions subre sa vida, mai pauc de causa pasmens : Joan Baptista Còia naissèt a Moriés, Marquesat dei Bauç,  Provença (encuei comuna dei Bocas de Ròse). Son paire Pèire Còia (Pierre en francés] èra paisan mainatgier e sa maire s'apelava Catarina Bonet (Catherine Bonnet). Passèt una granda partida de sa vida an Arles mai moriguèt dins sa vila nadala monte s'èra retirat. Son òbra mòstra una granda coneissença de la literatura francesa classica e antica.

Edicions

• Œuvres complètes de J. B. Coye en vers provençaux. Arles : Mesnier, 1829.
• Lou Bouquet Prouvençaou. Marselha : Achard, 1823.

Bibliografia

• Anatole, Cristian. Lafont, Robèrt. Nouvelle histoire de la littérature occitane. París : PUF, 1970.

Ligams extèrnes

• Lo nòvi parat (en grafia prefelibrenca) a la Bibliotèca de Tolosa
• Òbras completas publicadas en 1829, Google book

Literatura occitana deu sègle XVIII

Autors
Bearn : Pèir d'Esbarrebaca • Ciprian Desporrins • Teofil de Bordèu
Lengadòc : Mondonvila • Abat Fabre• Fabre d'Olivet
Roergue : Peiròt
Provença : Còia • d'Agevila • Germain • Gròs • Pelabon
Velai : Clet

Obras
Roman : Istòria de Joan-l’an-pres
Opèra : Dafnís e Alcimadura
Teatre : Lo Nòvi parat • Manicla
Sermon Burlesque : Lo Sermon deu Curé de Vidèren

Antologia e critica
J.F. Achard : Lo Boquet provençau