Microchiroptera

Microchiroptera

Microquiroptèrs

[[Categoria:Article amb taxobox-

1. F6EBE4]]

Modèl:Taxobox taxon animal (autor) |----- | valign="middle" colspan="2" class="" style="padding: 0 0.5em; text-align: center; vertical-align: middle; font-size: 1em; line-height: 1em; height: 25px; font-weight: bold; background-color: #FFCC99; color: #000000;" | Familhass de reng inferior |----- | colspan="2" |

• Craseonycteridae
• Emballonuridae
• Furipteridae
• Megadermatidae
• Molossidae
• Mormoopidae
• Mystacinidae
• Myzopodidae
• Natalidae
• Noctilionidae
• Nycteridae
• Phyllostomidae
• Rhinolophidae
• Rhinopomatidae
• Thyropteridae
• Vespertilionidae

|-----

Classificacion

Règne	Règne de precisar
Embrancament	Chordata
Sosembr.	Vertebrata
Classa	Mammalia
Sosclassa	Theria
Infraclassa	Eutheria
Òrdre	Chiroptera

Los Microquiroptèrs constituisson un sosòrdre dels Quiroptèrs o Ratapenadas. Son apelats tanben Ratapenadas insectivòras, Ratapenadas qu'utilizan l'ecolocacion, Ratapenadas Pichonas o Vertadièras Ratapenadas. Totes aquestes noms son çaquelà inadaptats perque totes los Microquiroptèrs son pas insectivòrs e d'unes son pus gròsses que los mai pichons Megaquiroptèrs.

Los caractèrs distintius dels Microquiroptèrs per rapòrt als Megaquiroptèrs son :

• Los Microquiroptèrs utilizan l'ecolocacion, contràriament als Megaquiroptèrs.
• Los Microquiroptèrs an pas d'àrpias a l'indèx de las patas anterioras.
• Las aurelhas dels Microquiroptèrs forman pas un anèl tampat : los bòrds son separats un de l'autre a la basa de l'aurelha.
• Los Microquiroptèrs an pas de sospèl : an pas que de pels espesses o son glabres.

La màger part dels Microquiroptèrs son insectivòrs. Cèrtas de las espècias pus grandas caçan d'Ausèls, de Lausèrts, de Granhòtas e quitament de Peisses. Existisson en America del Sud de Microquiroptèrs que se noirisson de sang dels grands Mamifèrs, apelats Ratapenadas vampiras. Los Microquiroptèrs fan entre 4 e 16 cm de long.

Ecolocacion

Las Ratapenadas son los exemples mai coneguts d'animals utilizant l'ecolocacion. Totes los Microquiroptèrs l'utilizan. Lo sol Megaquiroptèr conegut que l'utiliza es del genre Rosseta (Roussettus), mentre que son sistèma d'ecolocacion siá diferent d'aquel dels Microquiroptèrs. Lo sistèma d'ecolocacion de las Ratapenadas es sovent apelat biosonar.

Los Microquiroptèrs genèran d'ultrasons via lor larinx. Aqueste son es emés per lor nas e lor boca. La frequéncia d'emission varia entre 14 000 Hz e 100 000 Hz, plan al delà de çò que l'aurelha umana pòt percebre (l'aurelha umana mejana percep los sons entre 20 Hz e 20 000 Hz). Un grop de vocalizacions emesas permet d'explorar l'environament.

D'unas arnas an desvolopadas una proteccion contra las Ratapenadas. Son capablas d'entendre los ultrasons emés per aquestas darrièras, çò que lor permet de fugir o d'arrestar lo batement de lors alas per amagar lor resson caracteristic que riscariá d'o far detectar. Per contrar aquesta parada, las Ratapenadas pòdon cessar d'emetre lors ultrasons a l'apròchi de lor preda per evitar d'èsser localizadas !

Proteccion

• Totas las espècias de ratapenadas presentas en França son integralament protegidas per l'Arrestat Ministerial del 17 d'abril de 1981 relatiu a la proteccion de l'environament.

• Dempuèi 1979, al nivèl internacional, la Convencion de Bonn e la Convencion de Bern demandan als estats contractants d'assegurar la proteccion de totas las espècias de ratapenadas descrichas dins los annèxes, e mai la proteccion dels jaces de reproduccion e d'ivernacion.

• En 1992, la Directiva "Abitat - Fauna - Flòra" demanda als païses de la Comunautat Europèa la proteccion estricta de totas las espècias de quiroptèrs (figuran a l'annèxe IV), e mai la designacion de Zònas Especialas de Conservacion per las 12 espècias figurant a l'annèxe II.

• 19 espècias son classadas dins la lista roja de la fauna menaçada de França e 13 espècias son presentas sus la lista roja mondiala.

Classificacion

Aquesta classificacion es estada establida per Simmons e Geisler (1998):

Superfamilha dels Emballonuroidea

• Familha dels Emballonuridae, Gervais, 1856

Superfamilha dels Rhinopomatoidea

• Familha dels Rhinopomatidae, Bonaparte, 1838
• Familha dels Craseonycteridae, Hill, 1974

Superfamilha dels Rhinolophoidea

• Familha dels Rhinolophidae, Gray, 1825
• Familha dels Nycteridae, Van der Hoeven, 1855
• Familha dels Megadermatidae, H. Allen, 1864 (falses-vampirs)

Superfamilha dels Vespertilionoidea

• Familha dels Vespertilionidae, Gray, 1821

Superfamilha dels Molossoidea

• Familha dels Molossidae, Gervais, 1856
• Familha dels Antrozoidae

Superfamilha dels Nataloidea

• Familha dels Natalidae, Gray, 1866
• Familha dels Myzopodidae, Thomas, 1904
• Familha dels Thyropteridae, Miller, 1907
• Familha dels Furipteridae,Gray, 1866

Superfamilha dels Noctilionoidea

• Familha dels Noctilionidae, Gray, 1821
• Familha dels Mystacinidae, Dobson, 1875
• Familha dels Mormoopidae, Saussure, 1860
• Familha dels Phyllostomidae, Gray, 1825

Ligams extèrnes

• Referéncia Fauna Europaea : Microchiroptera (en)
• Referéncia ITIS : Microchiroptera Dobson, 1875 (fr) (+ version anglesa (en))
• Referéncia NCBI : Microchiroptera (en)
• Bat World Sanctuary
• Illustrated Identification key to the bats of Europe (see "Recent publications")

Fonts

• Yves Tupinier: L'univers acoustique des quiroptèrs d'Europe Société linnéenne de Lyon, 1996, ISBN 2-9505514-7-5
• Michel Barataud: Ballades dans l'inaudible Sitelle , 1996, ISBN 2-908815-05-2