Caça

Joachim von Sandrart, Novembre, òli sus toile, 1643, representant una escena de caça

La caça es l'activitat amb que s'atrapa d'animals per l'alimentacion, léser, comèrci, per los utilizar coma matèria primièra. Uèi lo tèrme se refererís sovent a la practica esportiva, qu'es regulada, sinon se parla braconatge o caça illegala.

Istòria

Pintura de la caça del singlar, segle XIV.

Se supausa que al començament, la caça sevissiá per complementar l'alimentacion en proteïnas animalas e l'utilizacion de las ressoursa animalas que son la pèl o lo cuèr o los òsses. Dins las regions articas, pels inuits la caça èra, fins qualques decenias enrè, l'unica font d'alimentacion amb de la pesca. La caça tanben a per foncion d'alunhar o d'eliminar los predadors perilhoses per l'òme. E mai aviá dins fòrça culturas una importéncia rituala, per exemple amb l'iniciacion dels joves adults.

Amb la revolucion neolitica e l'adveniment de la ramaderia e la domesticacion dels animals, la caça perdèt importéncia dins son ròtle per la subsisténcia; encara que demorèt dins los arials de bòsques tropicals e las regions polaras ont la caça totjorn constituiguèt (amb la pesca) a èsser la font primièra de proteïnas.

Dins las civilizacions e nacions posterioras la caça dels grans mamifèrs venguèt una activitat reservada de las classas dominantas. Dins l'Euròpa feudala per exemple dins fòrça païses los nòbles e reis avián de reservas exclusivas de caça o pel mens èran los unics qu'aviá lo drech de caçar certans animals.

Las armas utilizades abitualament per la cacera pendent tota la preistòria e gaireben fins a l'edat modèrna èran: la lança, l'arc e las flèchas, la fronda, e tanben los cans de caça. D'autras menas de caça èra las trapadèlas.

Uèi se practica encara la caça dins tot lo monde, abitualament en utilizant d'armes modèrnas coma los Fusilhs o totjorn en utilizant de tecnicas ancestralas, coma a l'espèra, l'usatge pistaires o de cans per que troben las presas. Sovent lo païses d'aquela prectica an regularizat e cal èsser licenciats per lo far.

Tecnicas

Se pòt caçar amb diverses tecnicas, que:

• Utilizar can, per cochar lo animals e trobar los amagatals.
• Pistar a partir de las pesadas o excrements fins a arribar a la tuta.
• S'amagar e esperar que venga l'animal per tirar a corta disténcia.
• Pausar laces.
• Escarar per trompar l'animal e lo prenne.
• utilizar de cimbèls per atitrar l'animal cap al caçaire.