Baptista Bonet : Diferéncia entre versions

Salta a la navegació Salta a la cerca
m
 
== Biografia ==
'''Baptista Bonet''' nasquèt a Bèlagarda dins una familha nombrosa (sèt enfants) e paura, filh d'un trabalhador agricòla e d'una cordurièra. Quand aviá pas que dètz ans èra ja pastrilhon e gardava de tropèls en país d'Arle, en ivèrn a ras de las paluns de [[Camarga]] e en estiu dins los rocasses de Luberon ont aprenguèt a legir amb los pastres. Venguèt puèi vailet de granja mas quand faguèt sos vint ans, lo tiratge al sòrt lo condamnèt a partir dins lo Sahel algerian. Ailà aprenguèt a legir. Tornèt a Bèlagarda aprèp cinc ans pasmens lo començament de la guèrra de 70 l'entrainèt sus los camps de batalha de França. Foguèt nafrat a [[Châtillon]] durant la guèrra e puèi visquèt a [[París]] dins la misèria. Escriguèt sos remembres d'enfància dins ''Vida d'enfant'' que sortiguèt en 1894. Son amic [[Anfós Daudet]], que coneguèt dins la capitala francesa, ne faguèt una revirada en francés que coneguèt una brava capitada. Foguèt elegit [[Majoral del Felibritge]] en 1897. A mai de Daudet èra un amic intim de [[Josèp Lobet]], malgrat la diferéncia de trenta ans entre totes dos, e foguèt lo pairin de Mirèlha, la filha d'aqueste darrièr. Lobet foguèt son traductor en 1912 e aprèp la mòrt de Bonet son prefacièr. Publiquèt una revista ''Le Midi et le Nord'' que durèt pas gaire, coneguèt pas una capitada e mai foguèt plan criticada dins lo mitan felibrenc. En 1908 Bonet tornèt a Bèlagarda.
 
Aguèt una filha Emilia Bringuièr que demorava a París. En agost de 1912 se n'anèt viure a [[Bolhargues]]. Puèi aprèp la guèrra s'installèt a [[Nimes]] e participèt al movement provençal portat pel jornalista Elòi Vincent. I publiquèt ''Lo Carpan'' qu'aviá començat en 1896 e qu'acabèt lo 12 de febrièr de 1922. L'òbra foguèt jogada al teatre.
15 003

cambiaments

Menú de navigacion