Escarlatina
L’escarlatina es una malautiá infecciosa de la pèu caracterizada per una erupcion cutanèa e bucala tipica, generalament associada amb una angina, entraïnada per la bacteria Streptococcus pyogenes. Lei supuracions, lei complicacions toxinicas e lei sindròmes post-infeccion son lei complicacions pus frequentas. Avans l'aparicion deis antibiotics modèrnes, la difusion de la malautiá èra frequenta au sen dei concentracions umanas, en particular dins lei regions frejas onte tocava leis enfants entre 2 e 10 ans. Lo taus de mortalitat èra d'aperaquí 25 % en 1900[1], mai l'immunitat èra durabla. L'aparicion de la penicillina permetèt d'o redurre e menèt a una quasi disparicion. Pasmens, dempuei lo començament dau sègle XXI, de cas de resurgéncia son estats dins mai d'un país.